३ लाख नाघ्यो सुनको भाउ

News Summary

Generated by OK AI. Editorially reviewed.

नेपाली बजारमा सुनको भाउ ९ माघमा प्रतितोला ३ लाख १ हजार ४ सय रुपैयाँ पुगेको छ।
नेपाल सुनचाँदी व्यवसायी महासंघले यो मूल्य तोकेको छ जुन कीर्तिमानी हो।
सुनको भाउ ९ माघमा प्रतितोला ९ हजार २ सय रुपैयाँ बढेको छ।

९ माघ, काठमाडौं । नेपाली बजारमा सुनको भाउ प्रतितोला ३ लाख नाघेको छ ।

नेपाल सुनचाँदी व्यवसायी महासंघले शुक्रबारका लागि सुनको भाउ प्रतितोला ३ लाख १ हजार ४ सय रुपैयाँ तोकेको छ । यो कीर्तिमानी मूल्य हो ।

आज एकैदिन सुन प्रतितोला ९ हजार २ सय रुपैयाँ बढेको हो । हिजो प्रतितोला २ हजार ९ सय रुपैयाँ घटेको थियो । सो दिन प्रतितोला २ लाख ९२ हजार २ सय रुपैयाँमा सुनको कारोबार भएको थियो ।

अन्तर्राष्ट्रिय बजारमै सुनको भाउ बढ्दा नेपाली बजारमा प्रभाव परेको महासंघका प्रथम उपाध्यक्ष धर्मसुन्दर बज्राचार्यले बताए । अन्तर्राष्ट्रिय बजारमा सुनको भाउ प्रतिऔंस ४ हजार ९५० अमेरिकी डलर नाघेको छ ।

खासगरी यतिबेला अमेरिकाको हर्कतका कारण सुनको भाउ बढेको व्यवसायी बताउँछन् । ‘अन्तर्राष्ट्रिय द्वन्द्व थप चर्किने संकेतका कारण विभिन्न मुलुकका केन्द्रीय बैंकले सुनमा लगानी बढाएका छन्’ बज्राचार्यले भने ‘यसले मागसँगै मूल्य बढिरहेको हो ।’

त्यस्तै चाँदीको भाउले तोलामा ६ हजार नाघेको छ । यस दिन महासंघले चाँदीको भाउ प्रतितोला ६ हजार १९० रुपैयाँ तोकेको छ । यो मूल्य अघिल्लो दिनको तुलनामा ३२० रुपैयाँ बढी हो । हिजो चाँदी ५ हजार ८७० रुपैयाँमा कारोबार भएको थियो ।