सुनचाँदीको भाउ इतिहासकै उच्च, तोलाको कति ?

News Summary

Generated by OK AI. Editorially reviewed.

नेपाली बजारमा आइतबार छापावाल सुनको भाउ तोलामा ३ लाख ३ हजार ८ सय रुपैयाँ कायम भएको छ।
सुनको भाउ शुक्रबार तोलामा ९ हजार २ सयले बढेर ३ लाख १ हजार ४ सय पुगेको थियो।
चाँदीको भाउ पनि आइतबार तोलाको ६ हजार ४ सय ८० रुपैयाँमा कारोबार भइरहेको छ।

११ माघ, काठमाडौं । नेपाली बजारमा सुनको भाउले नयाँ कीर्तिमान कायम गरेको छ ।

नेपाल सुनचाँदी व्यवसायी महासंघका अनुसार आज आइतबार छापावाल सुनको भाउ तोलामा २ हजार ४ सयले बढेर ३ लाख ३ हजार ८ सय रुपैयाँ कायम भएको हो । यो हालसम्मकै सर्वाधिक भाउ हो ।

गत शुक्रबार सुनको भाउ तोलाको ३ लाख १ हजार ४ सय रुपैयाँ पुगेको थियो । त्यसको अघिल्लो दिन बिहीबार तोलाको २ लाख ९२ हजार २ सय रुपैयाँ थियो । शुक्रबार एकैदिन तोलामा ९ हजार २ सय बढेको थियो ।

त्यसैगरी चाँदीको भाउले पनि आज नयाँ कीर्तिमान कायम गरेको छ । आज चाँदी तो्लाको ६ हजार ४ सय ८० रुपैयाँमा कारोबार भइरहेको छ । शुक्रबार तुलनामा २ सय ९० बढेको हो । त्यसदिन तोलाको ६ हजार १ सय ९० रुपैयाँ थियो ।

महासंघका अनुसार सुनको ७ माघमा तोलाको २ लाख ९५ हजार १ सय, ६ मा २ लाख ८४ हजार ७ सय, ५ मा २ लाख ८२ हजार, ४ मा २ लाख ७७ हजार ८ सय, २ मा २ लाख ७७ हजार २ सय र १ माघमा २ लाख ७६ हजार ५ सय रुपैयाँ थियो ।