गोदावरी जंगलको भीरमा ४ दिनदेखि फसेको कुकुरको उद्धार

News Summary

Generated by OK AI. Editorially reviewed.

ललितपुरको गोदावरी वनमा चार दिनदेखि फसेको कुकुरलाई १३ माघमा प्रहरी वृत्त गोदावरीको टोलीले उद्धार गरेको छ।
कुकुर सडकमा बस्ने गरेको र कसैले वनमा लगेर फ्याँकेको तर भीरमा फसेर फर्किन नसकेको पशु अधिकारकर्मीले बताए।
उक्त क्षेत्र सीसीटीभी नरहेकाले कसले कुकुर फ्याँकेको पत्ता लाग्न नसकेको छ।

१५ माघ, काठमाडौं । ललितपुरको गोदावरी वनमा चार दिनदेखि फसेको एक कुकुरको उद्धार गरिएको छ । प्रहरी वृत्त गोदावरीको टोलीले वनभित्र फसेको कुकुरलाई १३ माघमा उद्धार गरेको हो ।

जङ्गलबाट कुकुरको लगातार आवाज आइरहेको भन्ने सूचना आएपछि प्रहरी, वन कार्यलयका कर्मचारी, स्थानीय र अभियन्तासहित ८ जना समूह कुकुरको खोजीमा गएको थिए । जङ्गलभित्रको अफ्ठ्यारो र ठाडो उकालो कटेपछि भीरमा कालो रङको कुकुर भेटिएको प्रहरीले जनाए ।

प्रहरीका अनुसार कुकुरको खोजीमा गएको टोली बिहान १० जंगल छिरेको थियो । तीन घण्टा पछि उक्त कुकुर फेला परेको थियो । अहिले उक्त कुकुरलाई सामान्य उपचारपछि सुरक्षित स्थानमा राखिएको छ ।

त्यो कुकुर सडकमा बस्ने गरेको र कसैले वनमा लगेर फ्याँकेको तर भीरमा फसेर फर्किन नसकेको एक पशु अधिकारकर्मी बताउँछन् ।

कुकुर अड्केको ठाउँ वस्तीदेखि टाढा भएको, खासै आवतजावत नहुने भएकाले धेरैले कुकुरलाई फाल्ने गरेको उनले बताए।

यो कुकुर भने लगातार कराइरहेका कारण उद्धार गर्न सकिएको उनको भनाइ छ । त्यस्तै उक्त क्षेत्रमा सीसीटीभी नरहेकाले कसले कुकुर फ्याँकेको भनेर पत्ता लागि नसकेको समेत उनले बताए ।