२०८२ माघ १६ गते २०:२५ 
News Summary
Generated by OK AI. Editorially reviewed.- सर्बियन टेनिस स्टार नोभाक जोकोभिचले अस्ट्रेलियन ओपन टेनिसको फाइनलमा प्रवेश गरेका छन्।
- जोकोभिचले दोस्रो सेमिफाइनलमा यानिक सिनरलाई ३-२ को सेटमा हराएका हुन्।
- पहिलो सेमिफाइनलमा कार्लोस अल्काराजले एलेक्जेन्डर जेभरेभलाई हराउँदै फाइनलमा पुगेका छन्।
१६ माघ, काठमाडौं । सर्बियन टेनिस स्टार नोभाक जोकोभिच अस्ट्रेलियन ओपन टेनिसको फाइनलमा प्रवेश गरेका छन् ।
शुक्रबार मेलबर्नको रोड लेभर एरेनामा भएको दोस्रो सेमिफाइनलमा नम्बर दुई खेलाडी यानिक सिनरलाई ३-२ को सेटमा हराउँदै जोकोभिच अर्को ग्रान्डस्लाम उपाधिनजिक पुगेका हुन् ।
पहिलो सेट सिनरले ६-३ ले जितेका थिए । दोस्रो सेटमा जोकोभिच ६-३ ले विजयी भए । तेस्रो सेटमा पुन: सिनर ६-४ ले विजयी भए ।
जोकोभिच चौथो सेटमा ६-४ ले अनि पाँचौं सेटमा ६-४ ले विजयी भए । उनी ११औंपटक अस्ट्रेलियन ओपनको फाइनलमा पुगेका हुन् भने २५औं ग्रान्डस्लामबाट एक कदम टाढा छन् ।
सर्वाधिक २४ पटक ग्रान्डस्लाम उपाधि जितेका जोकोभिचले १० पटक अस्ट्रेलियन ओपन जितेका छन् ।
यसअघि आजै भएको पहिलो सेमिफाइनलमा एलेक्जेन्डर जेभरेभलाई हराउँदै कार्लोस अल्काराज फाइनलमा पुगेका छन् ।
प्रतिक्रिया 4