कविता नेपाली एभरेस्ट समिटियर्स समिट २०२६ को पीआर प्रतिनिधि नियुक्त

News Summary

Generated by OK AI. Editorially reviewed.

एभरेस्ट एलायन्स नेपालले आयोजना गर्ने एभरेस्ट समिटियर्स समिट २०२६ का लागि कविता नेपालीलाई पब्लिक रिलेसन प्रतिनिधि नियुक्त गरेको छ।
सोमबार काठमाडौंमा कविता नेपाली र समिट आयोजकबीच समझदारीपत्रमा हस्ताक्षर भएको छ।
कविताले राष्ट्रिय तथा अन्तर्राष्ट्रिय मञ्चमा समिट प्रतिनिधित्व गर्दै दिगो पर्वतारोहण र हिमाली संरक्षणमा योगदान दिने बताइएको छ।

१९ माघ, काठमाडौं । एभरेस्ट एलायन्स नेपालको आयोजनामा हुने एभरेस्ट समिटियर्स समिट २०२६ का लागि सगरमाथा आरोही एवम् कलाकार कविता नेपालीलाई पब्लिक रिलेसन प्रतिनिधि नियुक्त गरिएको छ।

एभरेस्ट समिटियर्स समिट नेपाल र कविता नेपालीबीच सोमबार काठमाडौंमा आयोजित एक कार्यक्रमका बीच समझदारीपत्रमा हस्ताक्षर भएको छ । दुई वर्षका लागि सम्झौता भएको बताइएको छ ।

एभरेस्ट समिटियर्स समिट २०२६ आगामी मे २७ मा काठमाडौंमा आयोजना हुनेछ। कविता नेपालीले सन् २०२५ मे १८ मा सफलतापूर्वक सगरमाथा आरोहण गरेकी थिइन् ।

यस सहकार्यअन्तर्गत कविताले राष्ट्रिय तथा अन्तर्राष्ट्रिय मञ्चमा समिटको प्रतिनिधित्व गर्नुका साथै दिगो पर्वतारोहण, फोहोर व्यवस्थापन, हिमाली संरक्षण र जिम्मेवार पर्यटन प्रवर्द्धनमा योगदान दिने बताइएको छ ।

आयोजकका अनुसार यो सहकार्य हिमाल संरक्षण र भावी पुस्तालाई प्रेरणा दिने साझा प्रतिबद्धताको रूपमा लिइएको छ।