निर्वाचन परिणाम अप्रत्याशित : सिटौला

News Summary

Generated by OK AI. Editorially reviewed.

नेपाली कांग्रेस राष्ट्रिय सभा संसदीय दलका नेता कृष्णप्रसाद सिटौलाले प्रतिनिधि सभा सदस्यको निर्वाचन परिणाम अप्रत्याशित भएको टिप्पणी गरेका छन्।
सिटौलाले कांग्रेस, एमाले, नेकपा र मधेस केन्द्रित दलहरूको निर्वाचन परिणाम अपेक्षाभन्दा फरक र अप्रत्याशित देखिएको बताए।
उनले निर्वाचन परिणाममा पुराना दलहरूको हैसियत उस्तै रहेको र नयाँ शक्तिको उदयले राजनीतिक भूमिकामा परिवर्तन आएको उल्लेख गरे।

२७ फागुन, काठमाडौं । नेपाली कांग्रेस राष्ट्रिय सभा संसदीय दलका नेता कृष्णप्रसाद सिटौलाले प्रतिनिधि सभा सदस्यको निर्वाचन परिणाम अप्रत्याशित भएको टिप्पणी गरेका छन् ।

बुधबार पर्टीबाट राष्ट्रिय सभामा नवनिर्वाचित सदस्य र बहालवाला सदस्यहरूबीचको परिचयात्मक कार्यक्रमपछि सञ्चारकर्मीहरूसँग कुरा गर्दै उनले प्रतिनिधि सभा निर्वाचनको नतिजा अपेक्षाभन्दा फरक आएको बताएका हुन् ।

कांग्रेस, एमाले, नेकपा तथा मधेस केन्द्रित दलहरूका लागि यो परिणाम केही हदसम्म अप्रत्याशित देखिएको उनले बताए । साथै, उनले निर्वाचन परिणामका यसबारे पार्टीभित्र थप छलफल हुन बाँकी रहेको उल्लेख पनि गरे ।

‘यो अप्रत्याशित लाग्यो मलाई, तथापि पार्टीभित्र छलफल गर्न बाँकी छ । पुराना दलहरूको हैसियत उस्तै उस्तै देखिन्छ, काँग्रेस, एमाले, नेपाली कम्युनिष्ट पार्टी, त्यस्तै मधेश केन्द्रित दलहरू सबै पुराना दलहरूको लागि यो अप्रत्याशित जस्तो नै देखिन्छ,’ सिटौलाले भने ।

निर्वाचन परिणामले पुराना दलहरूको हैसियत झण्डै उस्तै देखिएको उनको भनाइ छ ।

हाल निर्वाचित भएर आएका राष्ट्रिय स्वतन्त्र पार्टीका सांसदहरूले देश र जनताको हितमा कस्तो काम गर्छन् भन्ने विषयले आगामी राजनीतिक दिशालाई प्रभाव पार्ने उनको भनाइ थियो ।

बदलिँदो राजनीतिक परिस्थिति र नयाँ शक्तिको उदयले आफूहरूको भूमिकामा पनि परिवर्तन आएको उनको भनाइ छ ।