काठमाडौंका निर्वाचन प्रहरीको बिदाइ (तस्वीरहरू)

News Summary

Generated by OK AI. Editorially reviewed.

२१ फागुनमा सम्पन्न प्रतिनिधि सभा निर्वाचनका लागि देशभर ३ लाख ३८ हजारभन्दा बढी सुरक्षाकर्मी परिचालन भएका थिए।
निर्वाचनमा नेपाली सेना ७९ हजार ७२७, नेपाल प्रहरी ७५ हजार ५९७, सशस्त्र प्रहरी ३४ हजार ५७६ र निर्वाचन प्रहरी १ लाख ३० हजार ९८० परिचालित थिए।
काठमाडौंको तीनकुनेस्थित प्रहरी वृत्तबाट निर्वाचन प्रहरीहरूलाई टिका र खादा लगाएर बिदाइ गरिएको छ।

२८ फागुन, काठमाडौं । प्रतिनिधि सभा निर्वाचनका लागि भर्ना गरिएका निर्वाचन प्रहरीलाई बिदाइ गरिएको छ ।

बिहीबार काठमाडौंको तीनकुनेस्थित प्रहरी वृत्तबाट काठमाडौंमा खटिएका निर्वाचन प्रहरीहरूलाई बिदाइ गरिएको हो । उनीहरूलाई टिका र खादा लगाएर प्रहरी अधिकारीहरूले बिदाइ गरेका हुन् ।

२१ फागुनमा सम्पन्न भएको निर्वाचनका लागि देशभर ३ लाख ३८ हजारभन्दा बढी सुरक्षाकर्मी परिचालन भएका थिए ।

जसमध्ये ३४ हजार ५७६ सशस्त्र प्रहरी निर्वाचनमा परिचालन भएका थिए । सशस्त्र प्रहरी मातहत नै रहनेगरी १५ हजार ११० निर्वाचन प्रहरी परिचालित भएका थिए ।

निर्वाचनमा नेपाली सेना मात्रै ७९ हजार ७२७ जना परिचालन भएका थिए भने ७५ हजार ५९७ जना नेपाल प्रहरी परिचालित भएका थिए ।

प्रहरीमातहत नै रहने गरी १ लाख ३० हजार ९८० निर्वाचन प्रहरी परिचालन थिए ।

त्यस्तै १ हजार ९२१ गुप्तचर पनि निर्वाचनमा परिचालित थिए ।

चारै वटा सुरक्षा निकाय र निर्वाचन प्रहरी समेत गरेर ३ लाख ३३ हजार ९८० सुरक्षाकर्मी निर्वाचनमा खटिएका थिए ।

तस्वीरहरू :