२०८२ फागुन २९ गते १६:५५ 
News Summary
Generated by OK AI. Editorially reviewed.- मछिन्द्र एफसीले अभिनाश स्याङ्गतानको गोलमा नेपाल पुलिस क्लबलाई १-० ले पराजित गरेको छ।
- मछिन्द्रले १० खेलबाट २५ अंक जोड्दै राष्ट्रिय लिग फुटबलमा शीर्ष स्थानमा उक्लेको छ ।
- प्लानिङ ब्वाइज युनाइटेडले चित्लाङ एफसीलाई ५-२ ले पराजित गरेको छ ।
२९ फागुन, काठमाडौं । अभिनाश स्याङ्गतानको एक मात्र गोल मदतमा मछिन्द्र एफसीले राष्ट्रिय लिग फुटबल नेपाल पुलिस क्लबलाई १-० ले पराजित गरेको छ ।
त्रिपुरेश्वरस्थित दशरथ रंगशालमा शुक्रबार भएको खेलमा मछिन्द्रलका लागि अभिनाशले ३४औं मिनेटमा गोल गर्दै अग्रता दिलाएका थिए । त्यही गोल निर्णायक बन्दा मछिन्द्र ३ अंक जोड्दै शीर्ष स्थानमा उक्लेको हो ।
जितपछि मछिन्द्रले १० खेलबाट २५ अंक जोडेको छ । समान खेलबाट २४ अंकसहित एपीएफ एफसी दोस्रोमा छ । पुलिस १० खेलबाट ८ अंकसहित १२औं स्थानमा छ ।
शुक्रबारै एन्फा कम्प्लेक्स मैदानमा भएको पहिलो खेलमा प्लानिङ ब्वाइज युनाइटेडले चित्लाङ एफसीलाई ५-२ ले पराजित गरेको छ ।
यो जितपछि प्लानिङ ११ खेलबाट २२ अंक जोडेर तेस्रो स्थानमा उक्लेको छ । समान खेलबाट ७ अंक रहेको चित्लाङ १५औं स्थानमा छ ।
तस्बीर :एन्फा
प्रतिक्रिया 4