अटम डुराल्ड बनिन् छायांकन विधामा अस्कर अवार्ड जित्ने पहिलो महिला

News Summary

Generated by OK AI. Editorially reviewed.

फिल्म 'सिनर्स'की छायांकन निर्देशक अटम डुराल्ड अर्कापाउ अस्कर इतिहासमा उत्कृष्ट छायांकनतर्फ पहिलो महिला विजेता बनेकी छन्।
अर्कापाउले आईम्याक्स ६५ एमएम र अल्ट्रा प्यानाभिजन प्रविधिमा छायांकन गर्ने पहिलो महिला सिनेमाटोग्राफर बनेर पनि इतिहास रचेकी छन्।
अस्करअघि उनी बाफ्टा, ब्रिटिस सोसाइटी अफ सिनेमाटोग्राफर्स र अमेरिकन सोसाइटी अफ सिनेमाटोग्राफर्स अवार्डमा मनोनयनमा परेकी थिइन्।

लस एन्जलस । फिल्म ‘सिनर्स’ की छायांकन निर्देशक (डीपी) अटम डुराल्ड अर्कापाउले अस्कर इतिहासमा नयाँ कीर्तिमान कायम गरेकी छन् ।

उनी उत्कृष्ट छायांकन (सिनेमाटोग्राफी)तर्फ अस्कर जित्ने पहिलो महिला बनेकी हुन् । फिलिपिनो र अफ्रिकन-अमेरिकन क्रियोल मूलकी अर्कापाउ यो अवार्ड जित्ने पहिलो महिला हुन् ।

यो पनि पढ्नुहोस

यी हुन् ‘अस्कर अवार्ड २०२६’ का विजेता (लाइभ अपडेट)

यस विधाको इतिहासमा हालसम्म केवल तीन महिलाले मात्र मनोनयन पाएका थिए । सन् २०१८ मा रेचल मोरिसन चलचित्र “मडबाउन्ड”का लागि, सन् २०२१ मा एरी वेगनर “द पावर अफ द डग”का लागि र सन् २०२२ मा म्यान्डी वाकर “एल्भिस”का लागि मनोनयनमा परेका थिए ।

अर्कापाउले “सिनर्स” चलचित्रका लागि आईम्याक्स ६५ एमएम र अल्ट्रा प्यानाभिजन प्रविधिमा छायांकन गर्ने पहिलो महिला सिनेमाटोग्राफर बनेर पनि इतिहास रचेकी छन् ।

अस्करअघि आयोजित विभिन्न प्रतिष्ठित अवार्डमा पनि अटम डुराल्ड अर्कापाउ मनोनयनमा परेकी थिइन् । उनलाई बाफ्टा अवार्ड, ब्रिटिस सोसाइटी अफ सिनेमाटोग्राफर्स र अमेरिकन सोसाइटी अफ सिनेमाटोग्राफर्सले मनोनयन गरेका थिए ।

अस्करअघि भएका ती सबै अवार्डमा उनी विजेता बन्न सकिनन् । त्यसका बाबजुद पनि अन्ततः उनले ओस्कार जित्दै ठूलो सफलता हासिल गरिन् ।