जसिता र अनमोल गहिरो प्रेम सम्बन्धमा छन् ?

Listen News

0:00

0:30

🔊

News Summary

Generated by OK AI. Editorially reviewed.

अभिनेत्री जसिता गुरुङले अभिनेता अनमोल केसीलाई जन्मदिनमा इन्स्टाग्राम स्टोरीमार्फत 'ह्याप्पी बर्थडे टु माई एकेसी' लेख्दै रोमान्टिक भिडियो सेयर गरेकी छन्।
जसिताले अनमोलसँगको निकटतालाई सार्वजनिकरुपमा स्वीकार नगरे पनि सामाजिक सञ्जालका पोस्टले उनीहरूको प्रेम सम्बन्ध रहेको संकेत गरेको छ।
फिल्म 'फर्की फर्की' पछि यी दुईबीच प्रेम सम्बन्धको चर्चा सुरु भएको थियो र हालको स्टोरीले त्यो हल्लालाई बल मिलाएको छ।

काठमाडौँ । अभिनेत्री जसिता गुरुङ र अभिनेता अनमोल केसीको ‘रिलेसनसिप’को गाइँगुइँ चल्न थालेको धेरै भयो । ‘फर्की फर्की’ फिल्म गरेयता यी दुईको अभिनय रहेको ‘जेरी अन टप’ बक्सअफिसमा हिट रह्यो ।

यी दुईले आफूहरूबीच प्रेम सम्बन्ध रहेको कुरालाई सार्वजनिकरुपमा स्वीकार भने गरेका छैनन् । यद्यपि, कतिपय क्रियाकलाप र सामाजिक सञ्जालका पोस्ट हेर्दा यी दुईजना गहिरो प्रेम सम्बन्धमा रहेको कुरा बुझ्न सकिन्छ ।

यस्तोमा, अनमोलको जन्मदिनमा जसिताले इन्स्टाग्राम स्टोरीमा हालेको भिडियोको अहिले निकै चर्चा भैरहेको छ । जन्मदिनको शुभकामना दिँदै जसिताले अनमोलसँगको रोमान्टिक भिडियो सेयर गर्दै ‘ह्याप्पी बर्थडे टु माई एकेसी’ लेखेकी छन् ।

जसिताको यो इन्स्टा स्टोरीले यी दुईजना प्रेम सम्बन्धमा रहेको कुरा बुझ्न मुस्किल छैन । यो स्टोरीले प्रेमसम्बन्धको हल्लालाई बल मिलेको छ । जसिताले अहिलेसम्म अरुलाई ‘मेरो’ भनेर शुभकामना दिएको जानकारी छैन । उनले जसरी अनमोललाई मेरो भनेर शुभकामना दिएकी छन्, यसले यी दुईबीचको निकटतालाई दर्शाउँछ ।

भिडियो पनि यसको अर्को प्रमाण हो । ‘फर्की फर्की’ मा सहकार्य गर्दादेखि नै यी दुईबीच प्रेम रहेको चर्चा आउन सुरु भैसकेको थियो । यस्तोमा प्रश्न उठ्छ- के जसिता र अनमोल गहिरो प्रेम सम्बन्धमा छन् ?