०६४ को बहुमत सदुपयोग गर्न सकेनौं : वर्षमान पुन

News Summary

Generated by OK AI. Editorially reviewed.

नेकपाका उपाध्यक्ष वर्षमान पुनले ०६४ सालको निर्वाचनमा पार्टीले पाएको मत सदुपयोग गर्न नसकेको स्वीकार गर्नुभयो।
पुनले ०६४ सालको चुनावमा तत्कालीन नेकपा माओवादीले ठूलो विजय हासिल गरेको र ०७४ सालमा दुई दल मिलेर प्रतिस्पर्धा गरेको बताउनुभयो।
उनले पार्टी एकता सदुपयोग गर्न नसकेको स्वीकार्दै रास्वपालाई शिक्षाको रुपमा लिएर देशलाई अघि लैजान नेकपाले सहयोग गर्ने बताउनुभयो।

१९ चैत, काठमाडौं । नेकपाका उपाध्यक्ष तथा सांसद वर्षमान पुनले ०६४ सालको निर्वाचनमा आफ्नो पार्टीले पाएको मतलाई सदुपयोग गर्न नसकेको स्वीकार गरेका छन् ।

बिहीबार प्रतिनिधिसभाको बैठकलाई सम्बोधन गर्दै पुनले तत्कालीन माओवादीले पाएको बहुमतलाई सदुपयोग गर्न नसकेको बताएका हुन् ।

‘०६४ सालको चुनावमा तत्कालीन नेकपा माओवादीले झन्डैझन्डै यस्तै खालको विजय हासिल गरेको थियो । ०७४ सालमा हामी दुई दल मिलेर प्रतिस्पर्धा गर्‍यौँ,’ उनले भने, ‘पछिचाहिँ हामीले पार्टी एकता गर्‍यौँ । त्यसलाई सदुपयोग गर्न सकेनौँ जानेनौँ ।’

उनले रास्वपालाई शिक्षाको रुपमा लिएर पार्टी र देशलाई अघि लैजान आग्रह गरे । यसका लागि नेकपाले सहयोग गर्ने पनि उनको भनाइ छ ।