पाटनमा दाजुभाइको हत्या गर्नेलाई नियन्त्रणमा लिने प्रहरी पुरस्कृत

News Summary

Generated by OK AI. Editorially reviewed.

बुधबार राति ललितपुरको कृष्ण मन्दिर परिसरमा दाजुभाइ सिर्जन नेम्बाङ र सुमीत नेम्बाङको हत्या गर्ने अभियुक्तलाई महिला प्रहरी र जिल्ला प्रहरी प्रमुखले नियन्त्रणमा लिए।
जिल्ला प्रहरी परिसर ललितपुरका प्रमुख होविन्द्र बोगटीलाई नेतृत्वदायी भूमिका खेलेको भन्दै नगदसहित पुरस्कृत गरिएको छ।
काठमाडौं उपत्यका प्रहरी कार्यालय प्रमुख ईश्वर कार्कीको उपस्थितिमा पुरस्कार प्रदान गरिएको प्रहरीले जनाएको छ।

२७ चैत, काठमाडौं । बुधबार राति ललितपुरको पाटनस्थित कृष्ण मन्दिर परिसरमा दाजुभाइको हत्यामा संलग्नलाई नियन्त्रणमा लिन सफल महिला प्रहरी र जिल्ला प्रहरी परिसर ललितपुरका प्रमुखलाई नगदसहित पुरस्कृत गरिएको छ ।

बुधबार राति ७:४० बजे ललितपुरको कृष्ण मन्दिरमा सिर्जन नेम्बाङ र सुमीत नेम्बाङको हत्या गरी हतियारसहित भाग्दै गरेका अभियुक्तहरूलाई एक्लै लखेटी नियन्त्रण लिई साहसिक काम गरेको र समग्रमा उक्त घटनामा नेतृत्वदायी भूमिका खेलेको भन्दै जिल्ला प्रहरी परिसर ललितपुरका कार्यालय प्रमुख होविन्द्र बोगटीलाई नगदसहित पुरस्कृत गरिएको हो ।

काठमाडौं उपत्यका प्रहरी कार्यालयका प्रमुख प्रहरी अतिरिक्त महानिरीक्षक ईश्वर कार्कीको उपस्थितिमा पुरस्कार प्रदान गरिएको प्रहरीले जनाएको छ ।

बुधबार फोन सम्वादमा भएको विवादले उग्र रुप लिँदा नेम्बाङ दाजुभाइमाथि सञ्जीव नेपालीले हतियार प्रहार गरी हत्या गरेका थिए ।