News Summary
Generated by OK AI. Editorially reviewed.- नेकपा एमालेका सांसद लक्ष्मी प्रसाद पोखरेलले प्रतिनिधिसभा बैठकमा संसदीय पोशाकसम्बन्धी अनुशासन कायम गर्न सभामुखसँग रुलिङको माग गरेका छन् ।
- उनले संसद्को गरिमा कायम राख्न प्रधानमन्त्री र मन्त्रीहरूलाई टि-सर्ट लगाएर बैठकमा सहभागी नहुन र औपचारिक पोशाक अनिवार्य गर्न आग्रह गरेका छन् ।
- सांसद पोखरेलले न्युजिल्यान्ड र क्यानडाको संसद्मा भएका पोशाक संहितासम्बन्धी घटनाहरूको स्मरण गराउँदै संसद्मा राष्ट्रिय पोशाकको प्रयोगमा जोड दिएका छन् ।
२५ साउन, काठमाडौं । नेकपा एमालेका सांसद लक्ष्मी प्रसाद पोखरेलले संसदीय पोशाकसम्बन्धी अनुशासन कायम गर्न रुलिङको माग गरेका छन् ।
सोमबार प्रतिनिधिसभा बैठकमा बोल्ने क्रममा उनले प्रधानमन्त्री र मन्त्रीहरूलाई समेत टि–सर्ट लगाएर संसद् बैठकमा सहभागी नहुन आग्रह गरे ।
उनले सन् २०२१ को फेब्रेवरी ९ मा न्युजिल्यान्डको संसद्मा घटेको घटना र सन् २०२३ मा क्यानडाको संसद्मा पोशाकसंहिता लागू गर्न संसदीय रुलिङ भएको विषय पनि स्मरण गरे ।
‘सन् २०२१ को फेब्रेवरी ९ मा न्युजिल्यान्डको संसद्मा रबिरि बैद्धिति नामका सांसदले औपनिवेशिक पासो भन्दै टाइ लगाउन अस्वीकार गरेकाले उनलाई संसदीय रुलिङमार्फत सभाबाट निष्कासन गरिएको थियो । सन् २०२३ मा क्यानडाको संसद्मा पोशाकसंहिता लागू गर्न संसदीय रुलिङ भएको थियो,’ उनले स्मरण गर्दै भने ।
सो क्रममा उनले प्रधानमन्त्री र मन्त्रीलाई टि–सर्ट लगाएर संसद्भित्र टि–सर्ट लगाएर नआउन भनेका हुन् ।
‘संसदको गरिमा कायम गर्न सांस्कृतिक पोशाक वा राष्ट्रिय पोशाक अनिवार्य गरियोस्, प्रधानमन्त्री र मन्त्रीलाई टि–सर्ट लगाएर संसद्भित्र प्रवेश गर्न रोक लगाइयोस् । संसद्को लोगो कोट, हाफकोट र ओभरकोटबाहेक टि–सर्ट, ज्याकेट, सर्ट, कुर्ता, ब्लाउज, सल आदीमा लगाउन रोक लगाइयोस्,’ उनले भने, ‘संसदीय पोशाकसम्बन्धी अनुशासन कायम गर्न रुलिङको माग गर्दछु, धन्यवाद ।’
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Cozy Homes, Imadol")
.jpg "House for Sale at Imadol")
%20-%20Copy.jpg "House for Sale at Siddhipur")
.jpg "Bungalow House for Sale at Dholahiti")
.jpg "Bungalow House for Sale at Bhandari Marg")
प्रतिक्रिया 4