२ भदौ, काठमाडौं । नेपाली कांग्रेसले तल्लो तहका अधिवेशनको मिति हेरफेरको अधिकार केन्द्रीय निर्वाचन समितिलाई दिएको छ ।
केन्द्रीय कार्यसमिति बैठकले गरेका निर्णयहरू सार्वजनिक गर्न मंगलबार सानेपामा आयोजित पत्रकार सम्मेलनमा प्रवक्ता देवराज चालिसेले उक्त जानकारी दिएका हुन् ।
कांग्रेसले १५औं महाधिवेशन असोज १६ देखि १९ गतेसम्म काठमाडौंमा गर्ने पूर्वनिर्णयलाई यथावत राख्दै तल्लो तहका अधिवेशनको मिति हेरफेरको अधिकार केन्द्रीय निर्वाचन समितिलाई दिएको हो ।
‘भदौ महिनामा हुन सक्ने अत्यधीक वर्षाका कारण वडा–पालिकामा पर्न सक्ने प्रतिकूल प्रभावलाई ध्यानमा राखी निर्धारित समयमै केन्द्रीय महाधिवेशनलाई सम्पन्न हुने सुनिश्चितता कायम गर्दै केन्द्रीय निर्वाचन समितिले सम्बन्धित जिल्ला निर्वाचन समिितसँग समन्वय गरी तल्लो तहका निर्वाच्न कार्यतालिका आवश्यक सामान्य हेरफेर गर्न सक्ने छ,’ प्रवक्ता चालिसेले भने ।
यसअघि कांग्रेसले २ भदौ अर्थात आज (मंगलबार)देखखि वडा अधिवेशन गर्ने गरी केन्द्रीय कार्यसमितिबाट कार्यतालिका पारित गरेको थियो ।
प्रवक्ता चालिसेले महाधिवेशन तयारीका लागि आवश्यक समितिहरू गठन गर्ने र तिनका संयोजक र सदस्यहरू नियुक्त गर्ने जिम्मेवारी पार्टी सभापति गगन थापालाई दिइएको पनि जानकारी दिए ।
कांग्रेसले महाधिवेशनलाई प्राविधिक निर्वाचन प्रक्रियामा सीमित नराखी पार्टीको लोकतान्त्रिक नवीकरण, एकता, सहमति, संवाद र व्यापक सहभागिताको महाउत्सवका रूपमा सम्पन्न गर्ने वातावरण निर्माण भइरहेको चालिसेको भनाइ छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Cozy Homes, Imadol")
.jpg "House for Sale at Imadol")
%20-%20Copy.jpg "House for Sale at Siddhipur")
.jpg "Bungalow House for Sale at Dholahiti")
.jpg "Bungalow House for Sale at Bhandari Marg")
प्रतिक्रिया 4