News Summary
Generated by OK AI. Editorially reviewed.- नेपालका २५ वटा म्यानपावर कम्पनी सूचीकृत भएपछि युवा, श्रम तथा रोजगार मन्त्रालयले मलेसिया सरकारलाई परराष्ट्र मन्त्रालयमार्फत पत्राचार गरेको छ।
- मन्त्रालयले विद्यमान प्रणाली निरन्तरता दिन वा नयाँ प्रणाली लागू गर्न द्विपक्षीय छलफल र संवादबाट टुङ्गो लगाउन मलेसियालाई आग्रह गरेको छ।
- सयौं म्यानपावर कम्पनी रहँदा सीमित कम्पनीलाई अनुमति दिँदा सिन्डिकेट लागेको भन्दै व्यवसायीहरूले विरोध जनाएपछि मन्त्रालयले कूटनीतिक पहल थालेको हो।
७ भदौ, काठमाडौ । २५ वटा म्यानपावर कम्पनी सूचीकृत भएपछि युवा, श्रम तथा रोजगार मन्त्रालयले मलेसिया सरकारलाई पत्राचार गरेको छ ।
मलेसिया सरकारले नेपालबाट श्रमिक पठाउन २५ वटा म्यानपावर कम्पनीलाई सूचीकृत गरेको विषयमा श्रम मन्त्रालयले पत्राचार गरेको हो । मन्त्रालयका प्रवक्ता पिताम्बर घिमिरेले यस विषयमा परराष्ट्र मन्त्रालयमार्फत मलेसिया सरकारलाई पत्राचार गरिएको बताए ।
नेपालमा सयौं म्यानपावर कम्पनी इजाजत लिएर काम गरिरहेको अवस्थामा केही सीमित कम्पनीलाई मात्रै अनुमति दिँदा व्यवसायमा एकाधिकार (सिन्डिकेट) लादिएको भन्दै व्यवसायीहरूले विरोध जनाएपछि मन्त्रालयले कूटनीतिक पहल सुरु गरेको हो ।
मन्त्रालयले परराष्ट्र मन्त्रालयमार्फत मलेसिया सरकारलाई पठाएको पत्रमा विद्यमान प्रणालीलाई नै निरन्तरता दिन वा नयाँ प्रणाली लागु गर्ने भए द्विपक्षीय छलफल र संवादबाट टुङ्गो लगाउन आग्रह गरिएको हो ।
‘हामीले परराष्ट्र मार्फत मलेसियालाई एउटा पत्र पठाएका छौँ । जसमा नेपाल र मलेसियाबीच भएको श्रम सम्झौता र संयुक्त प्राविधिक समितिको बैठक मार्फत यस्ता विषयमा छलफल हुनुपर्ने उल्लेख गरिएको छ,’ प्रवक्ता घिमिरेले भने । मन्त्रालयले सुधार र पारदर्शिताका लागि नेपाल सकारात्मक रहे पनि सिन्डिकेटको पक्षमा नरहेको प्रस्ट पारेको छ ।
मन्त्रालयले हाललाई पुरानै संयन्त्र मार्फत कामदार पठाउने वातावरण मिलाउन र कुनै पनि नयाँ परिवर्तन गर्दा आपसी समझदारीमा गर्न जोड दिएको छ । मलेसिया सरकारले यस पत्राचारको जवाफ कसरी दिन्छ भन्नेमा अबको थप कदम निर्भर हुने देखिएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Cozy Homes, Imadol")
.jpg "House for Sale at Imadol")
%20-%20Copy.jpg "House for Sale at Siddhipur")
.jpg "Bungalow House for Sale at Dholahiti")
.jpg "Bungalow House for Sale at Bhandari Marg")
प्रतिक्रिया 4