२०८३ भदौ १० गते १८:२७ 
News Summary
Generated by OK AI. Editorially reviewed.- कुशल भुर्तेलको अलराउन्ड प्रदर्शनमा नेपालले टप एन्ड टी–२० सिरिजमा एसीटी कोमेट्सलाई ४ विकेटले हराउँदै लगातार दोस्रो जित दर्ता गर्यो ।
- एसीटीले २० ओभरमा ९ विकेट गुमाएर १४० रन बनाएको थियो भने नेपालले ४ बल बाँकी छँदा ५ विकेटको क्षतिमा लक्ष्य पूरा गर्यो ।
- कुशल भुर्तेलले ६१ रन बनाएर ३ विकेट लिए, पबन सर्ताफ २९ रनमा अविजित रहे, र नेपालले भोलि बिहान किङ्समेनसँग खेल्ने छ ।
१० भदौ, काठमाडौं । कुशल भुर्तेलको अलराउन्ड प्रदर्शन मद्दतमा अस्ट्रेलियाको नर्थन टेरिटोरीमा जारी टप एन्ड टी–२० सिरिजमा नेपालले लगातार दोस्रो जित हासिल गरेको छ ।
बुधबार भएको खेलमा नेपालले एसीटी कोमेट्सलाई ४ विकेटले पराजित गरेको हो । एसीटीले दिएको १४१ रनको लक्ष्य नेपालले ४ बल बाँकी छँदा ५ विकेटको क्षतिमा पूरा गर्यो ।
नेपालका लागि कप्तान कुशल भुर्तेलले सर्वाधिक ६१ रन बनाए । पबन सर्ताफ २९ रनमा अविजित रहे । मयन यादवले २१ रन बनाए ।
एसीटीका लागि ज्याक कहले ३ विकेट लिए भने जीत मेहताले २ विकेट लिए ।
त्यसअघि टस हारेर पहिले ब्याटिङको निम्तो पाएको एसीटीले २० ओभरमा ९ विकेट गुमाएर १४० रन बनाएको थियो ।
एसीटीका लागि डायलान हन्टरले ४४ रन बनाए । अंश तिवारी र निक ब्रोएसले समान १९ रन बनाए ।
नेपालका लागि कुशल भुर्तेलले २ ओभरमा ९ रन दिएर ३ विकेट लिए । युवराज खत्रीले २ विकेट लिँदा
सुरुवाती दुई खेल हारपछि नेपालले सोमबार होबार्ट हरिकेन्स एकेडेमीलाई हराएको थियो ।
अब अर्को खेलमा भोलि बिहान किङ्समेनसँग खेल्ने छ ।
प्रतिक्रिया 4