News Summary
Generated by OK AI. Editorially reviewed.- धादिङको बेनीघाट रोराङका किसानले कृष्णभीरको पहिरो छिचोल्दै तरकारी बोकेर बेनीघाट बजार पुर्याउन बाध्य भएका छन् ।
- वर्षाका कारण कृष्णभिर क्षेत्रमा निरन्तर पहिरो खस्दा पृथ्वी राजमार्गअन्तर्गतको सडक अवरुद्ध छ ।
- गत भदौ १० गते त्रिशूली नदीको बाढीले कृष्णभिर र परेवाभिरलगायत तटीय क्षेत्रको सडक अवरुद्ध गरेको छ ।
२१ भदौ, काठमाडौं । धादिङको बेनीघाट रोराङ गाउँपालिकाका स्थानीय किसान ज्यानकै जोखिम मोलेर कृषि उपज बजारसम्म पुर्याउन बाध्य भएका छन् ।
पृथ्वी राजमार्गअन्तर्गतको कृष्णभीरमा खसेको पहिरो र त्यसले निम्त्याएको अवरोध छिचोल्दै किसानले आफ्नो उत्पादन विक्रीका लागि बजार लैजाने गरेका हुन् ।
वर्षाका कारण कृष्णभिर क्षेत्रमा निरन्तर खसिरहेको पहिरो र चुनौतीपूर्ण सडक अवस्थाका बाबजुद स्थानीयहरूले आफूले उत्पादन गरेको तरकारी बेनीघाट बजारसम्म ल्याइरहेका छन् ।
भौगोलिक विकटता र प्राकृतिक प्रकोपका कारण सडक सञ्जालमा अवरोध सिर्जना भएपछि किसानले तरकारीका भारी बोकेरै जोखिमपूर्ण यात्रा तय गर्नुपरेको हो ।
पहिरोग्रस्त क्षेत्रमा खसेका ढुङ्गा र लेदो माटोको प्रवाहबीच कृषि सामग्री ढुवानी गर्दा कृषकहरूले सास्ती खेप्नु परेको छ ।
उत्पादित वस्तु बजारसम्म पुर्याउन नसके लगानी डुब्ने डरले उनीहरू यसरी जोखिमपूर्ण रूपमा बजारतिर आउन विवश भएका हुन् ।
अवरुद्ध र जोखिमयुक्त बाटोका कारण बजारीकरणमा समस्या उत्पन्न हुँदा स्थानीय किसानको आयआर्जनमा समेत गम्भीर असर पुगेको छ ।
गत भदौ १० गतेको त्रिशूली नदीको बाढीका कारण कृष्णभिर, परेवाभिर लगायतका नदी तटीय क्षेत्रको सडक अवरुद्ध छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4