News Summary
Generated by OK AI. Editorially reviewed.- काठमाडौं शिक्षालय ललितपुरले संविधान दिवसमा बाढीपहिरो प्रभावितप्रति ऐक्यवद्धता र वातावरण संरक्षण सन्देशसहित साइकल र्याली आयोजना गरेको छ।
- ‘बाढीपीडितका लागि साइकल र्याली, मानवताका लागि एकता’ नारासहित ३०० भन्दा बढी साइक्लिस्ट इमाडोलबाट सुरु भएको र्यालीमा सहभागी भएका थिए।
- दर्ता शुल्कबाट संकलित रकमको २५ प्रतिशत प्रधानमन्त्री दैवीप्रकोप उद्धार कोषमा जम्मा गरिने विद्यालयले जनाएको छ।
- विद्यालयले हरेक वर्ष संविधान दिवसका अवसरमा साइकल र्याली आयोजना गर्ने जनाएको छ।
३ असोज, काठमाडौं । संविधान दिवसको अवसरमा काठमाडौं शिक्षालय ललितपुरले बाढीपहिरो प्रभावितप्रति ऐक्यवद्धता तथा वातावरण संरक्षणको सन्देशसहित साइकल र्याली आयोजना गरेको छ ।
‘बाढीपीडितका लागि साइकल र्याली, मानवताका लागि एकता’ नारासहित आयोजित र्यालीमा ३०० भन्दा बढी साइक्लिस्ट सहभागी भएका थिए ।
महालक्ष्मी नगरपालिकाका प्रमुख हरिगोविन्द श्रेष्ठले र्यालीको उद्घाटन गरेका थिए ।
इमाडोलबाट शुरु भएको र्याली ग्वार्को, बालकुमारी, टिकाथली, बालकोट, लुभु, लामाटार हुँदै पुन: विद्यालय परिसरमा आएर सम्पन्न भएको थियो। र्याली २० र २५ किलोमिटर गरी दुई विधामा सञ्चालन गरिएको थियो ।
विद्यालयका अध्यक्ष एवं पर्वतारोही प्रकाशराज पाण्डेले साइकल र्यालीलाई खेलकुदसँगै सामाजिक उत्तरदायित्व, मानवीय सेवा र वातावरण संरक्षणसँग जोडिएको अभियानका रूपमा अघि बढाइएको बताए। दर्ता शुल्कबाट संकलित रकमको २५ प्रतिशत प्रधानमन्त्री दैवीप्रकोप उद्धार कोषमा जम्मा गरिने विद्यालयले जनाएको छ ।
विद्यालयले अबदेखि हरेक वर्ष संविधान दिवसका अवसरमा साइकल र्याली आयोजना गर्ने जनाएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4