News Summary
Generated by OK AI. Editorially reviewed.- अविरल वर्षाका कारण पाल्पाका विभिन्न स्थानमा पहिरो खस्दा सिद्धार्थ राजमार्ग र मुख्य तथा सहायक सडक खण्डहरू अवरुद्ध भएका छन्।
- तिनाउ गाउँपालिका–३ को तल्लो सिद्धबाबा मन्दिर नजिकै सडक माथिबाट ढुङ्गा र माटो खस्दा सिद्धार्थ राजमार्ग पूर्ण रूपमा बन्द भएको प्रहरीले जनाएको छ।
- स्थानीय प्रशासनले दोभान सिद्धबाबा क्षेत्रमा आगामी १२ गतेसम्म रातिको समयमा सवारी सञ्चालनमा पूर्ण रोक लगाएको छ।
९ असोज, पाल्पा । अविरल वर्षाका कारण पाल्पाका विभिन्न स्थानमा पहिरो जाँदा सिद्धार्थ राजमार्ग लगायतका मुख्य तथा सहायक सडक खण्डहरू अवरुद्ध भएका छन् ।
शुक्रबार बिहानैदेखि जिल्लाका तीन प्रमुख स्थानमा पहिरो खसेपछि सवारी साधनको आवागमन ठप्प भएको प्रहरीले जनाएको छ ।
सिद्धार्थ राजमार्ग अन्तर्गत पाल्पाको तिनाउ गाउँपालिका–३ स्थित तल्लो सिद्धबाबा मन्दिर नजिकै सडक माथिबाट ठूलाठूला ढुङ्गा र माटो खस्दा सिद्धार्थ राजमार्ग पूर्ण रूपमा बन्द भएको हो ।
त्यसैगरी, सिद्धार्थ राजमार्गकै तिनाउ गाउँपालिका–५ स्थित चरचरे र जोरधाराको बीचमा पनि वर्षाका कारण माथिबाट पहिरो खसेर बाटो अवरुद्ध भएको छ ।
राजमार्गका साथै ग्रामीण सडक सञ्जालमा समेत पहिरोले क्षति पुर्याएको पाल्पा प्रहरीले जनाएको छ ।
रिब्दीकोट गाउँपालिका–५ स्थित माराबास र बोदीको बिच बतासेबाट रैनादेवी छहरा गाउँपालिका जोड्ने भित्री सडक खण्डमा वर्षापछि खसेको पहिरोका कारण सवारी साधन चल्न सकेका छैनन् ।
पहिरो गएका सबै स्थानमा सडक खुलाउनका लागि आवश्यक समन्वय र पहल भइरहेको प्रहरी तथा स्थानीय प्रशासनले जनाएको छ ।
तर, निरन्तरको वर्षा र पहिरो खस्ने क्रम जारी रहेकाले अवरोध हटाउन केही समय लाग्ने बताइएको छ ।
जोखिमपूर्ण क्षेत्रमा यात्रा गर्दा पूर्ण सजगता अपनाउन प्रशासनले सर्वसाधारणमा आग्रह गरेको छ ।
सिद्धार्थ राजमार्गको दोभान सिद्धबाबा क्षेत्रमा स्थानीय प्रशासनले आगामी १२ गतेसम्म रातिको समयमा सवारी संचालनमा पूर्ण रुपमा रोक लगाएको जनाएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4