१४ असोज, काठमाडौं । कञ्चनपुरको दोधारा चाँदनी र भीमदत्तनगरलाई जोड्ने झोलुङ्गे पुल भत्किएको छ ।
महाकाली नदीको बाढीले आज बिहान करिब आठ बजे झोलुङ्गे पुलको एक भाग पूरै भत्काएको हो ।
एक टावर भाँचिएपछि पुलको भाग पनि नदीमा बगेको प्रत्यक्षदर्शीले जनाएका छन् ।
प्रहरीका अनुसार भीमदत्त नगरपालिका-१३ तर्फबाट छैटौं नम्बर र दोधारा चाँदनी गाउँपालिकातर्फबाट तेस्रो नम्बरको भाग भत्किएको हो ।
सुदूरपश्चिम प्रदेशको यातायात पूर्वाधार निर्देशनालयका निर्देशक जगतप्रसाद जोशीका अनुसार दोधारा-चाँदनीको झोलुङ्गे पुलमा पुगेको क्षतिबारे अध्ययन गर्न प्राविधिक टोली पठाउने तयारी भइरहेको छ ।
उनले अनलाइनखबरसँग भने, ‘मैले पनि सिडिओ सा’बबाट झोलुङ्गे पुलमा पुगेको क्षतिबारे जानकारी पाएँ । जानकारी पाउनेबित्तिकै प्राविधिक टोली जाने तयारी भइरहेको छ । प्राविधिक टोलीले विस्तृत अध्ययन गरेपछि मात्रै क्षति यकिन गर्न सकिन्छ ।’
२०६१ सालमा बनेको थियो पुल, अस्वाभाविक रुपमा माथि उठेको थियो एउटा भाग
दोधारा चाँदनी र भीमदत्तनगरलाई जोड्ने सो पुल २०६१ सालमा निर्माण सम्पन्न भएको थियो ।
महाकाली अनलाइन डटकमका प्रबन्धक खडक रावलका अनुसार आज बिहान करिब चार–पाँच बजे सो पुलबाट ओहोरदोहोर गर्ने स्थानीयले पुलको एक भाग अस्वाभाविक रुपमा माथि उठेको देखेका थिए । त्यसबारे प्रहरीलाई जानकारी पनि गराइएको थियो । तर आज बिहान करिब आठ बजेतिर माथि उठेको सो भाग नदीमा खसेको रावलले बताए ।
पुलको बीचको एक भाग भत्किएपछि दोधाराचाँदनी र भीमदत्तनगरबीच आउ–जाउ गर्ने सो बाटो बन्द भएको छ । अब आउजाउ गर्दा करिब दुई किलोमटर माथि पुगेर पक्की पुलबाट यात्रा गर्नुपर्ने रावलले बताए ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4