News Summary
Generated by OK AI. Editorially reviewed.- उङ्गिलुङ खोलाको बाढीका कारण चुमनुब्री गाउँपालिका–६ मा गएको पहिरोमा परेर पाँच जना सम्पर्कविहीन भएका छन्।
- पहिरोले चार वटा भेडीगोठ र करिब डेढ सय पशुचौपाया बगाएको जिल्ला प्रहरी कार्यालयले जनाएको छ।
- सम्पर्कविहीनको खोजीका लागि नेपाली सेनाको हेलिकप्टरसहित स्थानीय र प्रहरीले खोजी गरिरहेका छन्।
२५ असोज, गोरखा । उत्तरी गोरखाको चुमनुब्री गाउँपालिका–६ भएर बग्ने उङ्गिलुङ खोलाको बाढीका कारण गएको पहिरोमा परि पाँच जना सम्पर्कविहीन भएका छन् । सोही क्षेत्र आसपास भेडीगोठमा बस्दै आएका चुमनुब्री गाउँपालिका–६ चुम्चेतका ६५ बर्षीय सोनाम लामा, उनकी श्रीमती ५९ बर्षीया लाक्पा थोर्मा लामा, ६६ बर्षीया सोम भुटी लामा, ६८ बर्षीय कर्मा लामा र ४१ बर्षीय तेन दोर्जे लामा सम्पर्कविहीन रहेको जिल्ला प्रहरी कार्यालयले जनाएको छ ।
डीएसपी राजकुमार श्रेष्ठका अनुसार पहिरोले सो क्षेत्रमा रहेको चार वटा भेडीगोठ र त्यहाँ रहेका करिव डेढ सय पशुचौपाय बगाएको छ । ‘चार परिवारको चार वटा भेडीगोठ रहेछ,’ उनले भने, ‘त्यो सबै लगेको छ, गोठमा बस्ने पाँच जना सम्पर्कविहीन छन् ।’
पहिरोले उङ्गिलुङ खोला थुनिएकै कारण बूढीगण्डकी नदीमा लेदोसहितको बाढी आएको हो । उङ्गिलुङ खोला स्यार खोला हुँदै बूढीगण्डकीमा मिसिन्छ । पहिरोले थुनिएको उङ्गिलुङ खोला एक्कासी खुल्दा बूढीगण्डकी नदीमा लेदोसहितको बाढी आएर वितण्डा मच्चाएको हो । सहायक प्रमुख जिल्ला अधिकारी नेत्रप्रसाद शर्मामा अनुसार सम्पर्कविहीनहरुको खोजी कार्य तिव्र पारिएको छ । नेपाली सेनाको हेलिकप्टर समेत प्रयोग गरिएको छ । ‘तलबाट पनि सूचना लिने काम भइरहेको छ,’ उनले भने, ‘हेलिकप्टरसँगै स्थानीय र प्रहरीद्धारा खोजी कार्य भइरहेको छ ।’
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4