News Summary
Generated by OK AI. Editorially reviewed.- अमेरिकी विदेशमन्त्री मार्को रुबियोले अमेरिका–इरान द्वन्द्व अन्त्य गर्ने कूटनीतिक प्रयासमा खासै प्रगति नभएको र इरानी मागहरू अस्वीकार्य रहेको बताए ।
- राष्ट्रपति डोनाल्ड ट्रम्पले वार्ता प्रगति भइरहेसम्म इरानमाथि ठूला सैन्य हमला फेरि सुरु हुने सम्भावना अत्यन्त कम रहेको सीएनएनलाई बताए ।
- अमेरिकी सेन्ट्रल कमाण्डले इरानका भूमि सीमा र अन्य मार्गबाट हतियार तथा सामग्रीको आवतजावत रोक्न ‘टास्क फोर्स आइरन गेट’ गठन गरेको घोषणा गर्यो ।
२३ कात्तिक, सिन्ह्वा । अमेरिका–इरान द्वन्द्व अन्त्य गर्ने कूटनीतिक प्रयासहरूमा खासै प्रगति हुन नसकेको अमेरिकी विदेशमन्त्री मार्को रुबियोले आइतबार बताएका छन् ।
उनले इरानका मागहरू ‘अस्वीकार्य’ रहेको बताउँदै भने, ‘अहिलेसम्म यो खासै उत्पादक हुन सकेको छैन किनकि इरानका मागहरू मात्र अस्वीकार्य होइनन्, केही अवस्थामा त साँच्चै नै अव्यवहारिक छन् ।’
फ्रान्समा हुने जी–७ विदेशमन्त्रीहरूको बैठकमा भाग लिन जानुभन्दा पहिले रूबियोले भने, ‘म भन्न सक्दिन, हामी कुनै सफलताको नजिक छौँ ।’
ट्रम्प प्रशासनले द्वन्द्वको कूटनीतिक समाधानलाई प्राथमिकता दिएको कुरा उनले दोहोर्याए ।
आइतबारको अघिल्लो अन्तर्वार्तामा अमेरिकी राष्ट्रपति डोनाल्ड ट्रम्पले सीएनएनसँग वार्ताले प्रगति गरिरहेसम्म अमेरिका इरानमाथि ठूला सैन्य हमला फेरि सुरु गर्ने सम्भावना ‘अत्यन्त कम’ रहेको बताएका थिए ।
उनले थप सैन्य कारबाहीको सम्भावनालाई पनि अस्वीकार गरेनन् ।
अमेरिकी सेन्ट्रल कमाण्डले शनिबार ‘टास्क फोर्स आइरन गेट’ गठन गरेको घोषणा गरेको थियो ।
यो करिब २० जना सैन्य र नागरिक कर्मचारीहरूको एकाइ हो जसले अमेरिकी सरकारी निकायहरूबीच समन्वय गरी इरानका भूमि सीमा र अन्य मार्गहरूबाट उन्नत हतियार तथा अन्य सामग्रीको आवतजावत रोक्ने काम गर्नेछ ।
राष्ट्रपति ट्रम्पले आइतबार सामाजिक सञ्जालमा लेखेका छन्, ‘यो कार्यदल इरानमा ‘पूर्ण रूपमा सक्रिय’ छ र अमेरिकी नौसेनाको नाकाबन्दीका कारण इरान भएर वा इरान आउने निकै कम मात्र सामान आवतजावत हुन्छ ।’ रासस
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "House for Sale at Lasuntar")
.jpg "Bungalow House for Sale at Budhanilkantha")
.jpeg "House for Sale at Lubhu")
.jpg "Residential Land for Sale at Balkot")
%20-%20Copy.jpg "House for Sale at Bhaisepati")
प्रतिक्रिया 4