डेनमार्कलाई हराउँदै अष्ट्रेलिया महिला विश्वकपको क्वार्टरफाइनलमा

२०८० साउन २२ गते १८:४६

२२ साउन, काठमाडौं । डेनमार्कलाई २-० ले हराउँदै सहआयोजक अष्ट्रेलिया महिला विश्वकप फुटबलको क्वार्टरफाइनलमा पुगेको छ ।

घरेलु दर्शकले खचाखट स्टेडियममा अष्ट्रेलियालाई जिताउन क्याट्लिन फोर्डले २९औं मिनेटमा र हेयली रास्सोले ७०औं मिनेटमा गोल गरे ।

अष्ट्रेलिया सन् २०१५ पछि पहिलो पल्ट क्वार्टरफाइनलमा पुगेको हो । उसले फ्रान्स र मोरक्को मध्ये एक टिमसँग शनिबार क्वार्टरफाइनलमा खेल्ने छ ।

यसअघि सन् २००७, २०११ र २०१५ मा लगातार क्वार्टरफाइनलसम्म पुगेको अष्ट्रेलिया गत विश्वकपमा प्रिक्वार्टरफाइनलसम्म पुगेको थियो ।

सन् २००७ पछि पहिलो पटक विश्वकप खेलेको डेनमार्क भने सन् १९९१ र १९९५ मा पनि क्वार्टरफाइनलबाटै बाहिरिएको थियो ।

लेखक

खुसी

दुःखी

अचम्मित

उत्साहित

आक्रोशित

भर्खरै पुराना लोकप्रिय

+

ट्रेन्डिङ