काठमाडौं । वरिष्ठ लोकगायक राजु परियारको आवाजमा दशैंगीत ‘यसपालीको दशैं तिहार’ सार्वजनिक भएको छ ।
गीतको रचना र संगीत प्रितम श्रेष्ठले गरेका हुन् । गीतमा नेपाली संस्कृति र परम्परालाई झल्काउने भाव समेटिएको छ । गीतमा मुकुन्द भट्ट र बिना राउतको अभिनय देख्न सकिन्छ ।
गीतको संगीत संयोजन कृष्ण बजुरालीले गरेका हुन् भने निर्देशन शिवजी क्षेत्रीले सम्हालेका छन् ।
नेपाली गाउँले परिवेश र परम्परागत संस्कृतिलाई समेटेर लेखिएको यो गीतले दशैं तिहारको उल्लासपूर्ण माहोललाई दर्शाएको छ । प्रितम श्रेष्ठले यसअघि ‘तिमी हिँड्ने गल्ली,’ ‘मायालु,’ र ‘माथि माथि माया बग्छ’जस्ता चर्चित गीत सिर्जना गरेका थिए ।
विदेशमा रहेका नेपालीका लागि यो गीतले दशैं र तिहारको सम्झना दिलाउँदै, लामो समयपछि गाउँ फर्कन लागेकामा रमाइलो र उत्साह थप्ने विश्वास गरिएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpeg)
प्रतिक्रिया 4