१८ चैत,विराटनगर। काठमाडौंको तीनकुनेमा भएको हिंसात्मक प्रदर्शन लोकतन्त्रमाथिको प्रहार भएको कोशी प्रदेशका मुख्यमन्त्री हिम्मतकुमार कार्कीले बताएका छन् ।
विराटनगरमा आज नेपाल पत्रकार महासङ्घ कोशी प्रदेशको ज्ञापनपत्र बुझ्दै मुख्यमन्त्री कार्कीले तीनकुनेको घटना सुनियोजित र लोकतन्त्रमाथिको प्रहार भएको बताएका हुन् ।
उनले सञ्चारमाध्यम माथिको आक्रमण र पत्रकारको हत्या पनि सुनियोजित भएको देखिएको बताए ।
पत्रकार महासंघले लोकतान्त्रिक शासन प्रणालीको पक्षमा उठाएको आवाजमा आफू सदैव उभिने प्रतिबद्धता व्यक्त गरे ।
पत्रकारको सुरक्षाका लागि प्रदेश सरकारले केन्द्रीय सरकारसँग समन्वय र पहल गर्ने उनले बताए ।
शुक्रबार राजावादी समूहले तीनकुने क्षेत्रमा आगजनी, तोडफोड तथा लुटपाट मच्चाएको थियो । त्यस क्रममा एक जना पत्रकारसहित २ जनाको मृत्यु भएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
प्रतिक्रिया 4