भूमि विधेयकको विपक्षमा जसपा नेपाल

फाइल तस्वीर

News Summary

Generated by OK AI. Editorially reviewed.

जसपा नेपालका अध्यक्ष उपेन्द्र यादवले सरकारले ल्याएको भूमि विधेयकको कडा विरोध गर्ने बताएका छन्।
यादवले सामाजिक सञ्जालमार्फत् भूमि सम्बन्धी अध्यादेश र विधेयकलाई जनताको हितविपरीत भएको भन्दै विरोध जनाएका हुन् ।
जसपा नेपालले भूमि अध्यादेशलाई पारित हुनबाट रोक्न सफल भएको थियो किनभने पार्टीको असहमतिका कारण राष्ट्रिय सभामा बहुमत जुट्न सकेको थिएन ।

२ जेठ, काठमाडौं । जनता समाजवादी पार्टी (जसपा), नेपालका अध्यक्ष उपेन्द्र यादवले सरकारले ल्याएको भूमि विधेयकको पनि सशक्त विरोध गर्ने बताएका छन् ।

सामाजिक सञ्जाल मार्फत् यादवले भूमि विधेयक पनि वन र भूमि सक्नेगरी आएकाले सशक्त विरोध गर्ने बताएका हुन् ।

‘भूमि सम्बन्धी अध्यादेश देश र जनताको हितमै थिएन, त्यसैले विरोध गरेका थियौं’, अध्यक्ष यादवले लेखेका छन्, ‘अहिले फेरि वन र भूमि सक्ने खालका भूमाफियाको स्वार्थ अनुकूल हुनेगरी तिनै प्रावधान राखेर सरकारले भूमि सम्बन्धी विधेयक ल्याएको छ, सडक र सदन दुवै मोर्चाबाट सशक्त विरोध गर्छौ ।’

यसअघि जसपा नेपालकै असहमतिका कारण भूमि अध्यादेश पारित हुन सकेको थिएन । जसपा नेपालको असहमतिले राष्ट्रिय सभामा बहुमत नपुग्ने भएकाले भूमि अध्यादेश स्वतः निष्क्रिय भएको थियो ।