२०८२ जेठ ३ गते २०:०७ 
३ जेठ, काठमाडौं । विर्तामोड चेस क्लब र किरात याक्थुङ चुम्लुङको सह–आयोजनामा विर्तामोड सिटी सेन्टरमा सञ्चालन भइरहेको राष्ट्रव्यापी रेटिङ चेस प्रतियोगितामा नेपाल च्याम्पियन फिडे मास्टर रुपेश जैशवाल ५ अंकसहित एकल अग्रतामा छन्।
चौथो चरणमा उनले सुमन श्रेष्ठलाई र पाँचौँ चरणमा पूर्व नेपाल च्याम्पियन पुरुषोत्तम चौलागाईंलाई पराजित गरे। पाँच चरणपछि झापाका राजन सुवेदी, प्रकाश नेपाल, पाँचथरका रिशोन थापा र सुनसरीका राजेन्द्र राईले ४.५ अंकसहित संयुक्त दोस्रो स्थानमा छन्।
अन्य उल्लेखनीय खेलाडीहरूमा नवीन तण्डुकार, सुमन श्रेष्ठ, धिरेन राई, ज्वाला लिम्बू, हिमाल राई, मणीराज डाँगी लगायतले ४ अंक जोड्न सफल भएका छन्।
९ चरणको स्वीस लिग प्रणालीमा आधारित प्रतियोगितामा विजेताले ५१ हजार, उपविजेताले ३५ हजार र तेस्रो स्थानले ३० हजार नगद पुरस्कार प्राप्त गर्नेछन्। कुल पुरस्कार राशी ३ लाख ३५ हजार रुपैयाँ रहेको छ।
प्रतिक्रिया 4