नेपाल क्लियरिङ हाउसको अध्यक्षमा चेतप्रसाद उप्रेती

News Summary

Generated by OK AI. Editorially reviewed.

नेपाल क्लियरिङ हाउस लिमिटेडको सञ्चालक समितिको अध्यक्षमा चेतप्रसाद उप्रेती नियुक्त भए।
उनीले डेपुटी गभर्नर बमबहादुर मिश्रबाट सपथ ग्रहण गरे र २७ वर्षभन्दा बढी अनुभव राख्छन्।
उनी हाल राष्ट्र बैंकको गैरबैंक वित्तीय संस्था सुपरीवेक्षण विभागका कार्यकारी निर्देशक हुन्।

६ जेठ, काठमाडौं । नेपाल क्लियरिङ हाउस लिमिटेड (एनसीएचएल) सञ्चालक समिति अध्यक्षमा नेपाल राष्ट्र बैंकका कार्यकारी निर्देशक चेतप्रसाद उप्रेती नियुक्त भएका छन् ।

आजको औपचारिक कार्यक्रममा उनले डेपुटी गभर्नर बमबहादुर मिश्रबाट अध्यक्ष पद तथा गोपनीयताको सपथ ग्रहण गरेका हुन् । यसअघि उक्त पदमा कार्यकारी निर्देशक विश्रुत थापा थिए ।

नवनियुक्त अध्यक्ष उप्रेतीको केन्द्रीय बैंकको विभिन्न विभागमा २७ वर्षभन्दा बढी काम गरेको अनुभव छ भने उनी त्रिभुवन विश्वविद्यालयबाट एमबीए गरेका छन् । हाल उनी राष्ट्र बैंकको गैरबैंक वित्तीय संस्था सुपरीवेक्षण विभागका कार्यकारी निर्देशकका रूपमा आबद्ध छन् ।

एनसीएचएल सञ्चालक समितिमा नेपाल राष्ट्र बैंक, वाणिज्य बैंक, विकास बैंक तथा वित्तीय कम्पनीबाट प्रतिनिधि छन् । एनसीएचएल नेपालमा राष्ट्रिय भुक्तानी प्रणाली स्थापना गर्न नेपाल राष्ट्र बैंक र बैंक तथा वित्तीय संस्थाहरूद्वारा प्रवर्द्धित कम्पनी हो ।