नाउपाका कञ्चनपुर जिल्ला अध्यक्ष रानाले गरे पार्टी परित्याग

News Summary

Generated by OK AI. Editorially reviewed.

नन्दकुमार रानाले १५ जेठ काठमाडौंमा नागरिक उन्मुक्ति पार्टी परित्याग गरे।
उनीहरूले पार्टीको मूल मर्म बिर्सिएको भन्दै नेतृत्वमाथि आरोप लगाए।
रानाले पार्टीको गतिविधि र संस्कारप्रति असन्तुष्टि जनाउँदै जिम्मेवारीबाट अलग हुनुभएको बताए।

१५ जेठ, काठमाडौं । नागरिक उन्मुक्ति पार्टीका केन्द्रीय सदस्य नन्दकुमार रानाले पार्टी परित्याग गरेका छन् । नाउपा कञ्चनपुरका जिल्ला अध्यक्ष समेत रहेका रानाले नेतृत्वले पार्टी स्थापनाको मूल मर्म बिर्सिएको भन्दै साधारण सदस्यसमेत नरहनेगरी पार्टी परित्याग गरेको बताएका हुन् ।

बिहिबार एक विज्ञप्ति जारी गर्दै रानाले नाउपा पनि परम्परागत संसदीय दलहरुको सिको गर्दै पद, प्रतिष्ठा, सत्ता र व्यक्तिगत लाभहानीका आधारमा सीमान्तकृत समुदायको पहिचान, स्वतन्त्रता, समृद्धिको पक्षमा भूमिका विश्वासमाथि कुठाराघात भएको आरोप लगाएका छन् ।

पार्टीका पछिल्ला गतिविधि हेर्दा नैतिकता, राजनीतिक इमान्दारिता र संस्कारका कारण जिम्मेवारीमा बसिराख्न उचित नहुने ठानेर पार्टी परित्याग गरेको उल्लेख गरेका छन् ।