सडकबाटै च्यातेर नयाँ सविधान जारी गर्नुपर्ने आवश्यकता आउँछः कमल थापा

News Summary

Generated by OK AI. Editorially reviewed.

राप्रपा नेपालका अध्यक्ष कमल थापाले सडकबाटै नयाँ संविधान बनाउनुपर्ने अवस्था आउन सक्ने बताए।
उहाँले आन्दोलन जारी राख्ने र थप मान्छे प्रदर्शनमा आउन आग्रह गर्नुभयो।
राजावादीहरुले रत्नपार्कमा कोणसभा गरी प्रदर्शन गरे।

१५ जेठ, काठमाडौं । राष्ट्रिय प्रजातन्त्र पार्टी (राप्रपा) नेपालका अध्यक्ष कमल थापाले सडकबाटै अहिलेको संविधान च्यातेर नयाँ संविधान बनाउनुपर्ने अवस्था आउने बताएका छन् ।

राजावादीहरूले बिहीबार काठमाडौंको रत्नपार्कमा गरेको प्रदर्शनमा बोल्दै थापाले भने, ‘सडकबाटै संविधान च्योतर नयाँ संविधान जारी गर्नुपर्ने अवस्था आउन सक्छ । त्यसैले बेलैमा समझदारीमा आउन आग्रह गर्दछु ।’

उनले आन्दोलन जारी राख्ने पनि बताएका छन् । गाउँगाउँबाट थप मान्छे आउने क्रम जारी रहेकाले भोलिदेखि प्रदर्शन थप चर्काउने उनको दाबी थियो । काठमाडौंबासीलाई पनि प्रदर्शनमा आउन थापाले आग्रह गरे ।

‘काठमाडौं चिसो ठाउँ हो । यहाँ मान्छे तात्न समय लाग्छ । त्यो कुरा मैले बुझेको छु । अब उहाँहरू तान्नुहुन्छ । आन्दोलन तात्छ,’ थापाले भने ।

दिउँसो २ बजे रत्नपार्क क्षेत्रमा आइपुगेका राजावादीहरूले टुँडिखेल परिक्रममा गरेर पुन: रत्नपार्कमा आएर कोणसभा गरेका थिए ।