२०८२ जेठ १६ गते ७:३९ 
News Summary
Generated by OK AI. Editorially reviewed.- नेपाली क्रिकेट टोली स्कटल्याण्ड ए सँगको अभ्यास खेलमा १०२ रनले पराजित भयो।
- खेलमा नेपाल ११८ रनमा अलआउट भयो ।
- नेपाली टोलीले दोस्रो अभ्यास एकदिवसीय खेल शनिबार खेल्नेछ।
१६ जेठ, काठमाडौं । आईसीसी विश्वकप लिग २ क्रिकेटका लागि स्कटल्याण्ड पुगेको नेपाली क्रिकेट टोलीले स्कटल्याण्ड ए सँगको अभ्यास खेलमा हार बेहोरेको छ ।
युकेको अभ्यास खेलमा अपरजित रहेको नेपाली टोली स्कटल्याण्ड पुगेर भने पहिलो अभ्यास खेलमा पराजित भएको हो । नेपाल १०२ रनले पराजित भयो ।
वर्षाका कारण ४० ओभरमा घटाइएको खेलमा स्कटल्याण्ड ए ले दिएको २२१ रनको लक्ष्य पछ्याएको नेपाल २९.४ ओभरमा ११८ रनमा अलआउट भयो ।
आरिफ शेखले सर्वाधिक ४४ रन बनाए । कप्तान रोहित पौडेलले १७ रन बनाए । गुल्शन झाले १० रन बनाए । अन्यले दोहोरो अंकमा रन बनाउन सकेनन् ।
स्कटल्याण्डका लागि जैनुल्लाह इहसानले ४ विकेट लिए । म्याकेन्जी जोन्सले ३ विकेट लिँदा जेम्स डिकिन्सनले २ र ओली डेभिडसनले १ विकेट लिए ।
त्यसअघि पहिले ब्याटिङ गरेको स्कटल्याण्ड ए ले ४० ओभरमा ९ विकेट गुमाएर २२० रन बनाएको थियो । कप्तान क्रिस म्याकब्राइडले सर्वाधिक ७२ रन बनाए । त्यस्तै जेमी डन्कले ४८ तथा ओवेन गुल्डले २८ र लियाम नेलरले २५ रन बनाए ।
नेपालका सोमपाल कामीले ८ ओभरमा ३५ रन दिएर ४ विकेट लिए । रिजन ढकालले ८ ओभरमा ३६ रन दिएर २ विकेट लिए। गुल्शन झा र ललित राजवंशीले १-१ विकेट लिए ।
नेपालले शनिबार दोस्रो अभ्यास एकदिवसीय खेल खेल्नेछ ।
प्रतिक्रिया 4