त्रिवि उपकुलपति कार्यालय तोडफोड गर्ने विरुद्ध पर्‍यो जाहेरी

News Summary

Generated by OK AI. Editorially reviewed.

प्रहरी वृत्त कीर्तिपुरले त्रिभुवन विश्वविद्यालयको उपकुलपति प्राडा खड्ग केसीको कार्यकक्ष तोडफोडको जाहेरी परेपछि अनुसन्धान सुरु गरेको छ।
जाहेरीमा सीसीटीभी फुटेज हेरेर तोडफोड गर्नेको पहिचान गरिरहेको प्रहरीले जनाएको छ।
गत १४ जेठमा नेविसंघका नेता कार्यकर्ताले विश्वविद्यालयमा तोडफोड गरेपछि सम्बन्धित कानुनी कारबाहीको प्रक्रिया अघि बढाइएको छ।

२१ जेठ, काठमाडौं । त्रिभुवन विश्वविद्यालयको उपकुलपति प्राडा खड्ग केसीको कार्यकक्ष तोडफोड गर्नेविरुद्ध जाहेरी परेको छ । प्रहरी वृत्त कीर्तिपुरमा जाहेरी परेको हो ।

‘सीसीटीभी फुटेज हेरेर अनुसन्धान गर्नु भनेर जाहेरी परेको छ । फुटेज हेरेर तोडफोड गर्नेको पहिचान गरिरहेका छौँ,’ प्रहरी वृत्त कीर्तिपुरका प्रहरी नायव उपरीक्षक राजबाबु महर्जनले भने ।

प्रहरी वृत्त कीर्तिपुरले दोषीमाथि अनुसन्धान गरी कारबाही गर्नका लागि मंगलबार त्रिविसँग जोहरी मागेको थियो ।

त्रिविले बुधबार तोडफोड गर्नेविरुद्ध सीसीटीभी फुटेजको आधारमा जाहेरी दिएको हो ।अब प्रहरीले अनुसन्धान अगाढि बढाउने छ ।

यसअघि शिक्षा, विज्ञान तथा प्रविधि मन्त्रालयले त्रिभुवन विश्वविद्यालयको उपकुलपति कार्यालयमा तोडफोड गर्नेलाई कारबाही गर्न गृह प्रशासनलाई बुधबार नै आग्रह गरेको थियो ।