२०८२ जेठ २५ गते १९:२४ 
News Summary
Generated by OK AI. Editorially reviewed.- नेपालले स्कटल्याण्डसँगको क्रिकेट खेलमा ३२४ रनको लक्ष्य राख्यो।
- कप्तान रिची बेरिङटन र माइकल लिस्कले शतक बनाए।
- नेपालले दोस्रो खेलमा पनि स्कटल्याण्डलाई पराजित गरी सातौं स्थानमा छ।
२५ जेठ, काठमाडौं । कप्तान रिची बेरिङटनको शतक तथा माइकल लिस्कले विस्फोटक फिनिसिङ गर्दै अविजित ९६ रन बनाएपछि आईसीसी क्रिकेट विश्वकप लिग २ मा स्कटल्याण्डसँगको खेल जित्न नेपालले बलियो लक्ष्य पाएको छ ।
डुन्डीमा टस जितेर पहिले ब्याटिङ गरेको स्कटल्याण्डले ५० ओभरमा ६ विकेट गुमाएर ३२३ रन बनाउँदै नेपाललाई ३२४ रनको बलियो लक्ष्य दिएको हो । यो नेपालले एसोसियट राष्ट्रसँग बेहोरेको सबैभन्दा उच्च योगफल हो ।
कप्तान रिची बेरिङटनले ११४ बलमा ६ चौका र ४ छक्का मद्दतले १०२ रनमा रनआउट भए । माइकल लिस्क ६२ बलमा १२ चौका र ३ छक्कासहित ९६ रनमा अविजित रहे । ओपनर चार्ली टियरले ६८ रन बनाए ।
नेपालका लागि करण केसीले १० ओभरमा २ मेडन राख्दै ७४ रन खर्चेर २ विकेट लिए । दिपेन्द्रसिंह ऐरीले ७ ओभरमा ३७ रन खर्चेर २ विकेट लिए । त्यस्तै ललित राजवंशीको नाममा १ विकेट रह्यो ।
नेपालले यसअघि पहिलो खेलमा स्कटल्याण्डलाई हराएको थियो । त्यसपछिको दोस्रो खेलमा नेदरल्याण्ड्सलाई पनि हराएको थियो ।
लिग २ मा १४ खेल खेलेको नेपाल १० अंकसहित सातौंमा छ । स्कटल्याण्ड १६ खेलबाट २० अंक जोडेर चौथो स्थानमा छ ।
लिग २ मा ८ एसोसिएट टोलीले प्रतिस्पर्धा गरिरहेका छन् र शीर्ष चार टोलीले सन् २०२७ को ओडिआई विश्वकपको छनोटमा सोझै स्थान बनाउनेछन् ।
प्रतिक्रिया 4