२०८२ असार ६ गते १४:२७ 
News Summary
Generated by OK AI. Editorially reviewed.- सरकारले काठमाडौं उपत्यकामा अन्तर्राष्ट्रिय स्तरको भलिबल कभर्डहलको निर्माणका लागि ३ करोड बजेट विनियोजन गरेको छ।
- भलिबल नेपालको आफ्नै कभर्डहल नभएको र प्रतियोगिताहरु पोखरामा आयोजना हुँदै आएको छ।
- विभिन्न भलिबल प्रतियोगिताका लागि बजेट र आयोजना सम्बन्धी विवरणहरू सार्वजनिक गरिएको छ।
६ असार, काठमाडौं । राष्ट्रिय खेल भलिबलको कभर्डहल निर्माणका लागि सरकारले ३ करोड बजेट विनियोजन गरेको छ । काठमाडौं उपत्यकामा अन्तर्राष्ट्रिय स्तरको भलिबल कभर्डहलको डिपिआर र निर्माणका लागि ३ करोड बजेट छुट्याइएको हो ।
युवा तथा खेलकुद मन्त्रालयले सार्वजनिक गरेको रातो किताबमा भलिबल कभर्डहलका लागि उक्त रकम विनियोजन भएको छ । भलिबल नेपालको राष्ट्रिय खेल भएपनि अहिलेसम्म आफ्नै कभर्डहल छैन ।
भलिबल खेलाडीले प्रशिक्षक गर्नका लागि समेत पालो पर्खेर बस्नुपर्ने अवस्था छ । यस्तै भलिबल संघले पनि पालो कुरेर भलिबल प्रतियोगिता गर्दै आएको छ ।
हाल त्रिपुरेश्वरस्थित राष्ट्रिय खेलकुद परियरमा रहेको कभर्डहलमा मर्मत सम्भार भइहरँदा भलिबल प्रतियोगिताहरु पोखराको कभर्डहलमा आयोजना हुँदै आएको छ । यस्तै सरकारले काभा वुमन्स नेसन्स लिग भलिबलका लागि पनि १ करोड बजेट विनियोजन गरेको छ ।
यस्तै दक्षिण एसियाली भलिबल प्रतियोगिता आयोजना भन्ने शीर्षकमा पनि ४० लाख बजेट विनियोजन गरिएको छ । तर यो कसले आयोजना गर्ने कस्तो प्रकारको प्रतियोगिता भन्ने खुलाइएको छैन ।
अर्थमन्त्रीले आगामी आर्थिक वर्ष २०८२-८३ को बजेट भाषण गर्दा भलिबलको नाम उच्चारण नभएपछि मन्त्रालयले सार्वजनिक गरेको बजेटको कितावमा भने भलिबलका लागि विभिन्न शीर्षकमा बजेट समावेश गरिएको छ ।
यसैगरी प्रधानमन्त्री कप महिला/पुरुष राष्ट्रिय भलिबल प्रतियोगिताको लागि २७ लाख विनियोजन गरिएको छ । यस्तै मंगलादेवी सिंह प्रतिष्ठानबाट हुने राष्ट्रिय भलिबल प्रतियोगिताका लागि १० लाख बजेट विनियोजन भएको छ ।
प्रतिक्रिया 4