२०८२ असार १८ गते ८:४६ 
News Summary
Generated by OK AI. Editorially reviewed.- फिफा क्लब विश्वकपको क्वाटरफाइनल समीकरण पूरा भएको हो।
- बोरुसिया डर्टमुन्डले सिएफ मोन्टेरेलाई २-१ गोलअन्तरले हरायो।
- क्लब विश्वकपको फाइनल खेल जुलाई १० मा हुनेछ।
१८ असार, काठमाडौं । अमेरिकामा जारी फिफा क्लब विश्वकप फुटबलको क्वाटरफाइनल समीकरण पूरा भएको छ । बुधबार विहान अन्तिम १६ का खेलहरू सकिएसँगै क्वाटरफाइनल समीकरण पूरा भएको हो ।
विहान भएको खेलमा बोरुसिया डर्टमुन्डले सिएफ मोन्टेरेलाई २-१ गोलअन्तरले हरायो । डर्टमुन्डको जितमा दुवै गोल सरु गुएरासेले गरेका थिए । उनले पहिलो हाफको १४औं र २४औं मिनेटमा गोल गर्दै टोलीलाई २-० ले अघि राखेका थिए ।
दोस्रो हाफको ४८औं मिनेटमा जर्मन बर्तरामले गोल गर्दै मोन्टेरेलाई खेलमा फर्काउने प्रयास गरेपनि पर्याप्त हुन सकेन र डर्टमुन्ड २-१ को जितसहित अन्तिम ८ मा पुगेको हो ।
अब क्वाटरफाइनलमा डर्टमुन्डले रियल मड्रिडसँग खेल्नेछ । त्यस्तै अन्य क्वाटरफाइनलमा बायर्न म्युनिख र पीएसजी, अल हिलाल र फ्लुमिनेस तथा चेल्सी र पाल्मेइरास खेल्ने छन् ।
क्लब विश्वकपको फाइनल खेल जुलाई १० मा हुनेछ ।
प्रतिक्रिया 4