२०८२ असार २१ गते ५:५५ 
News Summary
Generated by OK AI. Editorially reviewed.- नेपाल र सिंगापुरबीच यू-१६ इस्ट जोन कपको फाइनल मलेसियाको वाइएसडी ओभलमा आज बिहान सुरु हुन्छ।
- नेपालले यस प्रतियोगितामा अपराजित रहँदै उपाधि रक्षा गर्ने लक्ष्य राखेको छ।
- सिंगापुर समूह चरणमा नेपालसँग पराजित भएको थियो।
२१ असार, काठमाडौं । नेपाल एसीसी यू-१६ इस्ट जोन कपको उपाधिका लागि आज सिंगापुरसँग खेल्दै छ । नेपाल र सिंगापुरबीचको फाइनल खेल मलेसियाको यूकेएम वाइएसडी ओभलमा विहान पौने ८ बजेदेखि सुरु हुनेछ ।
नेपाल हालसम्म यस प्रतियोगितामा अपराजित छ । सिंगापुर भने समूह चरणमा नेपालसँग पराजित भएको थियो । त्यसपछि सिंगापुरले पनि सबै खेलहरू जितेको छ ।
नेपालले पहिलो सेमिफाइनलमा मलेसियालाई हराएको थियो भने सिंगापुरले अर्को समूहको विजेता टोली हङकङलाई हराएको थियो ।
आजै तेस्रो स्थानका लागि मलेसिया र हङकङबीच पनि प्रतिस्पर्धा हुँदैछ ।
प्रतियोगिताको साविक विजेता समेत रहेको नेपालले अपराजित रहेर उपाधि रक्षा गर्ने लक्ष्यमा छ ।
प्रतिक्रिया 4