२०८२ असार २९ गते ८:०१ 
News Summary
Generated by OK AI. Editorially reviewed.- नेपालले बंगलादेशसँग साफ यू-२० महिला च्याम्पियनसिपको दोस्रो खेल खेल्दै छ।
- नेपालले पहिलो खेलमा भुटानलाई ६-१ ले हराएको थियो भने बंगलादेशले श्रीलंकालाई ९-१ ले हराएको थियो।
- नेपाली प्रशिक्षक यामप्रसाद गुरुङले अघिल्लोपटकको नतिजा बदल्ने बताएका छन्।
२९ असार, काठमाडौं । बंगलादेशमा जारी साफ यू-२० महिला च्याम्पियनसिपको आफ्नो दोस्रो खेलमा नेपालले आज साविक विजेता बंगलादेशसँग खेल्दै छ ।
खेल बसुन्धरा किङ्स एरेनामा नेपाली समयअनुसार साँझ पौने ७ बजेदेखि सुरु हुनेछ ।
नेपालले आफ्नो पहिलो खेलमा शुक्रबार भुटानलाई ६-१ गोलअन्तरले हराएको थियो । त्यस्तै बंगलादेशले पनि श्रीलंकामाथि ९-१ को फराकिलो जित निकालेको थियो ।
नेपालले बंगलादेशलाई हराएर अघिल्लो संस्करणको फाइनल हारको समेत बदला लिँदै दाबेदारी बलियो बनाउने लक्ष्यमा हुनेछ । पछिल्लो समय बंगलादेशले सिनियरदेखि उमेर समूहमा उल्लेख्य प्रगति गर्दै आएको छ ।
नेपाली टोलीका मुख्य प्रशिक्षक यामप्रसाद गुरुङले प्रतियोगिताअघि प्रेस मिटमा उपाधिको लक्ष्यसहित मैदान उत्रिने बताएका थिए । गुरुङले दुई वर्षअघि नेपालले बंगलादेशसँग फाइनलमा गुमाएको उपाधि सम्झिँदै यसपटक नतिजा उल्टाउने अवसर रहेको बताए।
प्रतियोगितामा नेपाल र बंगलादेशले समान ३ अंक जोडेपनि गोल अन्तरमा बंगलादेश अघि छ । चार टोली सहभागी च्याम्पियनसिप डबल राउण्ड रोबिन फर्म्याटमा खेलाइएको छ ।
अन्तिममा धेरै अंक जोडेर शीर्ष स्थानमा रहने टोली च्याम्पियन बन्नेछ ।
प्रतिक्रिया 4