‘वार २’को ट्रेलर : ऋतिक रोशन भर्सेज जुनियर एनटीआर

News Summary

Generated by OK AI. Editorially reviewed.

बलिउड फिल्म 'वार २'को एक्सनप्रधान ट्रेलर सार्वजनिक भएको छ जसमा ऋतिक रोशन र जुनियर एनटीआरको भीडन्त देखाइएको छ।
यो फिल्म यशराज फिल्म्सको 'जासूसी ब्रम्हाण्ड'को नयाँ श्रृंखला हो र साउन ३० गते प्रदर्शन हुनेछ।
ट्रेलरमा विस्फोटक एक्सन, रोमान्स, तीखो संवाद र भागवत गीताको श्लोक 'कर्मण्येवाधिकारस्ते मा फलेषु कदचन' समावेश छ।

काठमाडौं । ऋतिक रोशन, जुनियर एनटीआर, कियारा आडवाणी अभिनित बलिउड फिल्म ‘वार २’को एक्सनप्रधान ट्रेलर सार्वजनिक भएको छ ।

यी दुईजनाको भीडन्त प्रस्तुत गर्दै ट्रेलरमा विस्फोटक एक्सन, रोमान्स र दुई बीचको तीखो संवाद प्रस्तुत गरिएको छ, आउँदै गरेको जासूसी कथाको झलक दिन्छ ।

यो फिल्म यशराज फिल्म्सको ‘जासूसी ब्रम्हाण्ड’को नयाँ श्रृंखला हो । दुई मिनेट पैंतीस सेकेन्डको ट्रेलर रोमाञ्चक स्टन्ट, अद्भुत एक्सन दृश्य र जबरदस्त नाटकले भरिएको छ ।

ट्रेलर ऋतिकको आवाजबाट सुरु हुन्छ, जसले आफ्नो जागिर, नाम र पहिचान समेत त्यागेर छाया बन्ने वाचा गर्छन् । यसमा एउटा संस्कृति श्लोक पनि छ- कर्मण्येवाधिकारस्ते मा फलेषु कदचन’।

यो भागवत गीताको एउटा श्लोक हो जसको अर्थ हो ‘तपाईंलाई आफ्नो कर्तव्य मात्र गर्ने अधिकार छ, फलमाथि कहिल्यै होइन ।’ यो फिल्म सन् २०१९ को एक्सन ब्लकबस्टर ’वार’को सिक्वेल हो ।

अयान मुखर्जीको फिल्मले दुई शक्तिशाली स्टारलाई एकसाथ ल्याउँछ । ऋतिक कबीरको भूमिकामा देखिएका छन् भने एनटीआर अर्का लडाकुको भूमिकामा देखिएका छन् ।

यो फिल्म साउन ३० गते (१५ अगस्ट)मा प्रदर्शन हुनेछ ।