२०८२ साउन २१ गते १९:४० 
News Summary
Generated by OK AI. Editorially reviewed.- भुटानमा सुरु भएको एएफसी यू-२० महिला एसियन कप छनोटको पहिलो खेलमा नेपाल र भुटानले १-१ को बराबरी खेलेका छन्।
- नेपालले पहिलो मिनेटमै सेनु परियारको गोलबाट अग्रता लिएको थियो भने १८औं मिनेटमा भुटानले बराबरी गोल फर्काएको थियो।
- उत्तर कोरियाले साउदी अरेबियालाई १५-० ले हराएको अर्को खेल पनि आजै सम्पन्न भएको छ।
२१ साउन, काठमाडौं । भुटानमा आजदेखि सुरु भएको एएफसी यू-२० महिला एसियन कप छनोटको पहिलो खेलमा नेपाल भुटानसँग बराबरीमा रोकिएको छ ।
थिम्पुको चाङ्लिमिथाङ स्टेडियममा भएको खेलमा नेपाललाई भुटानले १-१ को बराबरीमा रोकेको हो ।
खेलको पहिलो हाफको १८ मिनेटभित्रै दुवै गोल भएको थियो । पहिलो मिनेटमै सेनु परियारले गोल गर्दै नेपाललाई अग्रता दिलाएकी थिइन् ।
१८औं मिनेटमा भुटानका लागि केल्देन वाङ्मोले बराबरी गोल फर्काएकी थिइन् । त्यसपछि भने कुनै गोल भएन ।
साफ यू-२० च्याम्पियनसिपमा ६-१ र ८-० को जित निकालेको नेपालले आज भने भुटानविरुद्ध सोही किसिमको खेल पस्कन सकेन । भुटानले निकै सुधारिएको प्रदर्शन गरेको थियो ।
आजै भएको अर्को खेलमा उत्तर कोरियाले साउदी अरेबियालाई १५-० ले हराएको छ ।
प्रतिक्रिया 4