सलोन बस्नेत, नम्रता श्रेष्ठलाई लिएर फिल्म ‘स्त्री’ बन्ने

News Summary

Generated by OK AI. Editorially reviewed.

फिल्म 'स्त्री'ले ऋषिपञ्चमीको अवसरमा कमलादीस्थित गणेश मन्दिरमा पूजा गरी छायांकन सुरु गर्ने तयारी गरेको छ।
जीवन शाहीको लेखन तथा निर्देशनमा बन्ने फिल्मको छायांकन भदौ १४ गतेदेखि काठमाडौँ आसपास ३५ दिन चल्नेछ।
फिल्ममा प्रमोद अग्रहरि, सलोन बस्नेत, रिश्ता बस्नेत र नम्रता श्रेष्ठले प्रमुख भूमिका निर्वाह गर्नेछन्।

काठमाडौँ । ऋषिपञ्चमीको अवसर पारेर फिल्म ‘स्त्री’ले छायांकन थालेको छ । विहिबार कमलादीस्थित गणेश मन्दिरमा शुभसाइत पूजा गरियो ।

विशेष कार्यक्रमका बीच चलचित्रको क्यामेरा पूजासहित शुभसाइत गरियो । जीवन शाहीको लेखन तथा निर्देशनमा बन्ने फिल्मको छायांकन कार्य चाहिँ भदौ १४ गतेदेखि सुरु हुने जनाइएको छ ।

काठमाडौँ आसपासमा ३५ दिन छायांकन तय छ । मेला रेकर्डिङ्ग स्टुडियोको ब्यानरमा समिर राई रसुकदेव बिष्टले फिल्म निर्माण गर्न लागेका हुन् ।

फिल्ममा बाबुल गिरीको संगीत, केवलमान सिंह बस्नेतको निर्माण नियन्त्रण, सुवास काफ्लेको व्यवस्थापन, देव महर्जनको द्वन्द्व निर्देशन, चन्द्र भण्डारीको सह निर्देशन र श्याम बरालको मेकअप हुनेछ ।

सामाजिक कथामा बन्ने फिल्ममा प्रमोद अग्रहरि, सलोन बस्नेत, रिश्ता बस्नेत र नम्रता श्रेष्ठको प्रमुख भूमिका रहनेछ । बालकलाकारमा दिप्सन चिलवाल र दीपेन्द्र चिलावल छन् ।