२०८२ भदौ १३ गते १९:४० 
News Summary
Generated by OK AI. Editorially reviewed.- नेपालले भुटानमा जारी साफ यू–१७ महिला च्याम्पियनसिपको पाँचौं खेलमा भारतसँग ५-० गोलअन्तरले पराजित भएको छ।
- भारतले पर्ल फर्नान्डेसको ह्याट्रिक र दिव्यानी लिन्डाको दुई गोलको मद्दतमा नेपाललाई हराएको हो।
- नेपालले पाँच खेलमा एक जित र तीन हारसहित तीन अंक जोडेको छ र प्रतियोगितामा तेस्रो स्थानमा छ।
१३ भदौ, काठमाडौं । भुटानमा जारी साफ यू–१७ महिला च्याम्पियनसिपको आफ्नो पाँचौं खेलमा नेपाल भारतसँग पराजित भएको छ ।
भुटानको चाङ्लिमिथाङ रंगशालामा शुक्रबार साँझ सम्पन्न खेलमा भारतले नेपाललाई ५-० गोलअन्तरले हराएको हो ।
भारतका लागि पर्ल फर्नान्डेसले ह्याट्रिक गर्दा दिव्यानी लिन्डाले २ गोल गरिन् ।
यसअघि भारतसँग भएको पहिलो खेलमा पनि नेपाल ७-० गोलअन्तरले पराजित भएको थियो ।
नेपाल यस खेल खेल्नुअगावै उपाधि होडबाट बाहिरिसकेको थियो । नेपालले ५ खेलमा १ जित मात्र निकालेको छ ।
डबल राउण्ड रोबिन लिगमा भइरहेको प्रतियोगितामा हाल भारत ५ खेलमा १५ अंक जोडेर शीर्षमा रहँदै च्याम्पियन नै बनेको छ । बंगलादेश ५ खेलमा १० अंक जोडेर दोस्रो तथा नेपाल ३ अंक जोडेर तेस्रोमा छ । जितविहीन भुटान १ अंकसहित चौथोमा छ ।
पहिलो खेलमा भारतसँग फराकिलो अन्तरले पराजित भएको नेपालले भुटानलाई २-१ गोलअन्तरले हराएको थियो भने तेस्रो र चौथो खेलमा बंगलादेशसँग पराजित भएको थियो ।
नेपाल, भारत, बंगलादेश र आयोजक भुटान गरी चार टोली मात्र सहभागी रहेको प्रतियोगितामा सबैभन्दा बढी अंक जोड्ने टोलीले उपाधि जित्ने प्रावधान छ ।
नेपालले अब अन्तिम खेलमा आइतबार भुटानसँग खेल्नेछ ।
प्रतिक्रिया 4