२०८२ भदौ १३ गते २०:४६ 
News Summary
Generated by OK AI. Editorially reviewed.- पपुवा न्यु गिनीका २९ वर्षीय विकेटकिपर–ब्याटर किप्लिन डोरिगा चोरीको आरोपमा जर्सीमा पक्राउ परेका छन्।
- डोरिगाले अगस्ट २५ मा जर्सीको सेंट हेलियर्समा भएको चोरी घटनामा संलग्नता स्वीकार गरेका छन्।
- मजिस्ट्रेट अदालतले डोरिगाको मुद्दा रायल कोर्टमा पठाएको र नोभेम्बर २८ मा सुनुवाइ हुने जनाएको छ।
१३ भदौ, काठमाडौं । पपुवा न्यु गिनी (पीएनजी)का २९ वर्षीय विकेटकिपर–ब्याटर किप्लिन डोरिगा चोरीको आरोपमा जर्सीमा पक्राउ परेका छन्।
गएको अगस्ट २५ को बिहान जर्सीको सेंट हेलियर्समा भएको घटनामा संलग्न भएको आरोपमा उनलाई पक्राउ गरिएको हो।
डोरिगा हाल जर्सीमा भइरहेको आईसीसी सीडब्ल्यूसी च्यालेन्ज लिग खेल्न पीएनजी टोलीसँग आएका थिए।
९७ अन्तर्राष्ट्रिय खेल खेलेका र सन् २०२१ तथा २०२४ टी–२० विश्वकपमा सहभागी भएका डोरिगाले बुधबार अदालतमा आरोप स्वीकार पनि गरेका छन् ।
मजिस्ट्रेट अदालतले मुद्दा गम्भीर भएकाले रायल कोर्ट मा पठाएको छ। डोरिगाको मुद्दा नोभेम्बर २८ मा सुनुवाइ हुने छ।
अदालतले जमानत अस्वीकार गरेपछि उनी सो मितिसम्म जर्सीमै हिरासतमा रहनेछन्।
हिरासतमा रहने भएपछि उनले टी-२० विश्वकप छनोटका खेलहरू गुमाउने छन् ।
-क्रिकबजबाट
प्रतिक्रिया 4