गुणस्तरीय शिक्षाका लागि विद्यार्थीको रोजाइमा टेक्सास कलेज

१३ जेठ, काठमाडौं। टेक्सास कलेजले कक्षा ११ का विद्यार्थीलाई स्वागत गरेको छ । भक्तपुरमा कार्यक्रमको आयोजना गरेर टेक्सासमा १२ कक्षाका विद्यार्थीले नयाँ भर्ना भएका ११ कक्षाका विद्यार्थीलाई स्वागत गरेका हुन्।

उक्त कार्यक्रममा पूर्वशिक्षा मन्त्री एवं माओवादी नेता देवेन्द्र पौडेलले प्राइभेट शैक्षिक संस्थाले शिक्षामा धेरै योगदान पुर्‍याएको बताए । ‘देशको शैक्षिक क्षेत्रमा प्राइभेटले योगदान पुर्‍याएको छ । त्यसमा टेक्सासले गुणस्तरीय शिक्षा दिइरहेको छ,’ पौडेलले भने।

क्याम्पसका प्रिन्सिपल श्यामसुन्द श्रेष्ठले विद्यार्थीको सर्वाङ्गिन विकासको लागि टेक्सासले जीवन्त कार्यक्रम गरेको बताए । ‘विद्यार्थीले इभेन्टको म्यानेजमेन्ट कसरी गर्छन् भन्ने यो उहादहरण हो । संस्थालाई विश्वास गरेर धेरै विद्यार्थीले भर्ना गर्नुभयो,’ उनले भने।

प्रवन्ध निर्देशक जितेन्द्रकुमार बाखुले आजको कार्यक्रम १२ को विद्यार्थीले ११ को विद्यार्थीलाई स्वागत गर्ने भएकाले आज अनुशासनमा रमाइलो गरेर वर्षभरी पढ्ने उर्जा ग्रहण गर्न अनुरोध गरे।

‘विद्यार्थीले नै आयोजना गरेको यो उच्च स्तरको कार्यक्रम हो,’ उनले भने । उनका अनुसार कार्यक्रममा २ हजार १ सय विद्यार्थीको सहभागिता थियो।

टेक्सासका कार्यकारी प्रमुख भेषराज पोखरेल र चिफ अफ एकेडेमिक गोविन्द आचार्यले विद्यार्थीहरूलाई शुभकामना दिएका थिए। कार्यक्रममा कलाकारहरूले सांस्कृतिक प्रस्तुति दिएका थिए।