स्वस्तिमा खड्का एड-टेक प्लाटफर्म ‘मबिको एप’को व्यवसायिक दूतमा नियुक्त

News Summary

Generated by OK AI. Editorially reviewed.

अभिनेत्री स्वस्तिमा खड्का 'मबिको एप'को व्यवसायिक दूतमा नियुक्त भएकी छन्।
मबिको एपले नेपाली विद्यार्थीको विदेश अध्ययन यात्रालाई सुरक्षित, पारदर्शी र प्रविधिमैत्री बनाउने उद्देश्य राखेको छ।
यो एपमा ६० भन्दा बढी शैक्षिक संस्था सूचीकृत छन् र २००० भन्दा धेरै विद्यार्थीले डाउनलोड गरिसकेका छन्।

काठमाडौं । अभिनेत्री स्वस्तिमा खड्का ‘मबिको एप’को व्यवसायिक दूतमा नियुक्त भएकी छन् ।

नेपाली विद्यार्थीको विदेश अध्ययन यात्रालाई सुरक्षित, पारदर्शी र प्रविधिमैत्री बनाउने उद्देश्यले मुलुकको पहिलो शैक्षिक डिजिटल प्लाटफर्मको रुपमा यो एप निर्माण गरिएको विज्ञप्तिमा जनाइएको छ ।

अभिनेत्री खड्काले पनि सामाजिक संजालबाट आफू ब्रान्ड एम्बेसडर बनेको जानकारी दिएकी छन् । ‘शतप्रतिशत नेपालीको स्वामित्व रहेको नेपालको पहिलो एड्-टेक प्लाटफर्म जहाँ तपाईंले प्रमाणीकरण भएका शैक्षिक कन्सलट्यान्सी भेटाउन र खोज्न सक्नुहुन्छ’ स्वस्तिमाले भनेकी छन् ।

१ वर्षदेखि संचालनमा रहेको यो एपलाई २००० भन्दा धेरै विद्यार्थीले डाउनलोड गरेको जनाइएको छ । यो एपमा अमेरिका, अस्ट्रेलिया, क्यानडा, जापान, दक्षिण कोरिया, युरोप लगायतका ठाउँमा सुविधा दिने ६० भन्दा धेरै उत्कृष्ट मानिएका संस्था सूचीकृत रहेको उल्लेख छ ।

यो प्लाटफर्मको लागि लोकप्रिय कमेडियन तथा कन्टेन्ट क्रिएटरहरू हिमेश पन्त, पवन खतिवडा, इस्टु कार्की, सुजाता श्रेष्ठ लगायतले प्रवर्धन गर्दै आइरहेका छन् ।