२०८२ भदौ २४ गते ९:४९ 
News Summary
Generated by OK AI. Editorially reviewed.- बंगलादेश फुटबल टोली जेनजी आन्दोलनका कारण आज अपराह्न ४ बजे काठमाडौंबाट स्वदेश फर्कने एन्फाले जनाएको छ।
- गत २१ भदौमा भएको पहिलो मैत्रीपूर्ण खेल गोलरहित बराबरीमा सकिएको थियो।
- जेनजी आन्दोलनका क्रममा काठमाडौंसहित देशका विभिन्न स्थानमा प्रहरीको गोली लागेर दर्जनबढी युवाको ज्यान गएको छ।
२४ भदौ, काठमाडौं । नेपालमा मैत्रीपूर्ण फुटबल खेल्न आएको बंगलादेश फुटबल टोली आज स्वदेश फर्कने भएको छ ।
जेनजी आन्दोलनका कारण राजधानी काठमाडौंसहित समग्र नेपालको अवस्था प्रतिकूल बन्दै गएपछि टोली फर्कन लागेको हो । उनीहरू अपराह्न ४ बजेको विमानमार्फत फर्कने एन्फाले जनाएको छ ।
आजैका लागि तय भएको दोस्रो मैत्रीपूर्ण खेल पनि एन्फाले रद्द गरिसकेको थियो । यही बीचमा बंगलादेश टोली पनि स्वदेश फर्कने भएको हो ।
गत २१ भदौमा भएको पहिलो खेल गोलरहित बराबरीमा सकिएको थियो ।
काठमाडौंसहित देशका विभिन्न स्थानमा सोमबार जेनजी युवाहरूले गरेको प्रदर्शनमा प्रहरीको गोली लागेर दर्जनबढी युवाहरूको ज्यान गएको छ ।
प्रतिक्रिया 4