रामेश्वर दंगाल
News Summary
Generated by OK AI. Editorially reviewed.- सरकारले जेन–जी आन्दोलन दमनमा भूमिका खेलेको आरोप लागेका गृहसचिव गोकर्णमणि दुवाडीलाई हटाएर रामेश्वर दंगाललाई गृहसचिवको जिम्मेवारी तोकेको छ।
- दंगाल यसअघि गृह प्रशासनकै क्याडर थिए र मंगलबार वा बुधबारभित्र निर्णय कार्यान्वयन हुने प्रधानमन्त्री तथा मन्त्रिपरिषद कार्यालय स्रोतले बताएको छ।
- दुवाडीलाई योजना आयोगको सचिवालयमा जिम्मेवारी तोकिएको छ र उनी सरकार परिवर्तनको करिब डेढ सातासम्म गृहमन्त्रालयको जिम्मेवारीमा थिए।
७ असोज, काठमाडौं । सरकारले रामेश्वर दंगाललाई गृहसचिवको जिम्मेवारी तोकेको छ ।
जेन–जी आन्दोलन दमनमा भूमिका खेलेको आरोप लागिरहेका गृहसचिव गोकर्णमणि दुवाडीलाई हटाएर रक्षासचिव रहेका दंगाललाई जिम्मेवारी तोकेको हो ।
दंगाल यसअघि गृह प्रशासनकै ‘क्याडर’ थिए ।
प्रधानमन्त्री तथा मन्त्रिपरिषद कार्यालय स्रोतका अनुसार, मंगलबार वा बुधबारभित्र निर्णय कार्यान्वयन हुनेछ ।
यसअघि भिजिट भिसा प्रकरणमा नाम मुछिएको भएपनि उन्मुक्ति पाइरहेका दुवाडी सरकार परिवर्तनको करिब डेढ सातासम्म गृहमन्त्रालयकै जिम्मेवारी थिए ।
जेन–जी आन्दोलन दमनमा गृह प्रशासनको नेतृत्व गरेका दुवाडीमाथि छानबिन हुनुपर्ने माग उठिरहेका बेला सरकारले उनलाई जिम्मेवारीबाट हटाएको हो । स्रोतका अनुसार, उनलाई योजना आयोगको सचिवालयमा जिम्मेवारी तोकिएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
भर्खरै
पुराना
लोकप्रिय
Hot Properties
Insert%20Rename%20Macros.jpeg "House for Sale at Imadol")
ट्रेन्डिङ
Advertisment
प्रतिक्रिया 4