झापा इनर्जीको आईपीओ बाँडफाँट, १७ लाख ८६ हजारको हात रित्तो

News Summary

Generated by OK AI. Editorially reviewed.

झापाको शिवसताक्षी नगरपालिकामा १० मेगावाटको सौर्य विद्युत् आयोजनाको आईपीओ बिक्री प्रवन्धक हिमालयन क्यापिटलले बाँडफाँट गरेको छ।
आईपीओमा १८ लाख ३३ हजार ७३८ आवेदन स्वीकृत भएका थिए, जसमा ४७ हजार ३३३ जनाले सेयर पाएका छन् र १७ लाख ८६ हजार ४०५ आवेदकको हात रित्तो भएको छ।
कम्पनीले इक्रा नेपालबाट बी माइनस रेटिङ पाएको छ र गत आर्थिक वर्ष चैत मसान्तसम्म कम्पनीको प्रतिसेयर आम्दानी ४ रुपैयाँ ७२ पैसा ऋणात्मक रहेको छ।

८ असोज, काठमाडौं । सर्वसाधारणका लागि यसअघि खुलेको झापा इनर्जीको आईपीओ बाँडफाँट भएको छ । बिक्री प्रवन्धक हिमालयन क्यापिटलले एक औपचारिक कार्यक्रममार्फत आईपीओ बाँडफाँट गरेको हो ।

आईपीओमा कुल १८ लाख ३३ हजार ७३८ आवेदन स्वीकृत भएका थिए । स्वीकृत आवेदनमध्ये गोलाप्रथाबाट ४७ हजार ३३३ जनाले सेयर पाएका छन् । तीमध्ये ६ जनाले ११ कित्ताका दरले पाएका छन् भने बाँकीले १० कित्ताका दरले पाएका छन् । १७ लाख ८६ हजार ४०५ आवेदकको हात रित्तो भएको छ ।

यसको नतिजा आईपीओ रिजल्ट डट् सीडीएससी डट् कम डट् एनपीमा हेर्न सकिनेछ ।

कम्पनीले भदौ २० गते सर्वसाधारणका लागि आईपीओ खुलाएको थियो । कम्पनीले झापाको शिवसताक्षी नगरपालिकामा १० मेगावाटको सौर्य विद्युत् आयोजना निर्माण गरेको छ । सो आयोजनाको कुल लागत ८७ करोड ९० लाख रुपैयाँ छ । प्रतिमेगावाट लागत ८ रुपैयाँ ७९ पैसा छ ।

अनुमतिपत्र बहाल अवधि २२ वर्ष बाँकी छ । इक्वीटीमा साधारण लगानी फिर्ता हुने अनुमानित अवधि ९.५५ वर्ष छ ।

कम्पनीले इक्रा नेपालबाट बी माइनस रेटिङ पाएको छ । गत आर्थिक वर्ष चैत मसान्तसम्म कम्पनीको प्रतिसेयर आम्दानी ४ रुपैयाँ ७२ पैसा ऋणात्मक छ । त्यस्तै प्रतिसेयर नेटवर्थ ९५ रुपैयाँ ४० पैसा छ । साथै सो अवधिसम्म कम्पनीको सञ्चित नोक्सानी १ करोड ३१ लाख रुपैयाँ छ ।