विपद्मा राज्य संयन्त्रको प्रभावकारी परिचालन गर : मानव अधिकार आयोग

News Summary

Generated by OK AI. Editorially reviewed.

राष्ट्रिय मानवअधिकार आयोगले विपद्का बेला राज्य संयन्त्रहरुको प्रभावकारी परिचालन गर्न सरकारलाई आग्रह गरेको छ।
आयोगका प्रवक्ता डा. टीकाराम पोखरेलले विपद् जोखिममा रहेकाहरूको उद्धारमा ध्यान केन्द्रित गर्न आग्रह गरेका छन्।
आयोगले राजनीतिक दल, निजी क्षेत्र, नागरिक समाज र सम्पूर्ण नागरिकलाई विपद्पूर्व तयारी र उद्धारमा सघाउन अनुरोध गरेको छ।

१८ असोज, काठमाडौं । राष्ट्रिय मानवअधिकार आयोगले विपद्का बेला राज्य संयन्त्रहरुको प्रभावकारी परिचालन गन सरकारलाई आग्रह गरेको छ ।

आयोगका प्रवक्ता एवं सहसचिव डा. टीकाराम पोखरेल प्रेस विज्ञप्ति निकालेर विपद् जोखिममा रहेकाहरूको उद्धारमा ध्यान केन्द्रित गर्न आग्रह गरेका हुन् ।

साथै, विपद्पूर्वको तयारी तथा उद्धारका कार्यमा सघाउन आयोग राजनीतिक दल, निजी क्षेत्र, नागरिक समाज, सञ्चार माध्यम, युवापुस्ता, विभिन्न संघ संस्थाहरु एवम् सम्पूर्ण नागरिक समाजलाई आग्रह गरिएको छ ।

देशका विभिन्न भूभागमा सुरु भएको मनसुनी वर्षाबाट हुनसक्ने बाढी, पहिरोका कारण उत्पन्न संभावित जटिल अवस्था र सोबाट मानवअधिकारको उपभोगमा पर्न सक्ने अवरोधप्रति राष्ट्रिय मानवअधिकार आयोगको गम्भीर ध्यानाकर्षण भएको छ ।

विपद्मा जनधनको क्षति नहोस् भन्नका लागि संयमता, धैर्यता, सक्रियता र विवेकपूर्ण ढंगले आआफ्नो क्षेत्रबाट उच्च सतर्कता अपनाउन सबैमा अनुरोध गरेको छ ।