महेश बस्नेतको चुनौती : जेनजी आन्दोलनका घटनाको एमालेले एक-एक हिसाब राखेको छ

केपी ओलीलाई स्थायी बसोबासका लागि गुण्डुमा जग्गा उपलब्ध गराउँछौं

एमाले भक्तपुर जिल्ला कमिटीले बिहीबार आयोजना गरेको कार्यक्रममा बोल्दै उनले सक्ने भए कारबाही गर्न गृहमन्त्रीलाई चुनौती दिएका हुन् ।

अनलाइनखबर

२०८२ असोज २३ गते १२:३७

News Summary

Generated by OK AI. Editorially reviewed.

एमाले पोलिट ब्यूरो सदस्य महेश बस्नेतले जेनजी आन्दोलनका घटनाहरूको हिसाब राखेको भन्दै आफूहरुलाई पक्राउ गरेर देखाउन चुनौती दिएका छन्।
बस्नेतले गृहमन्त्रीलाई अपराधीलाई कारबाही गर्न आग्रह गर्दै डिजीटल जेनरेसन फोर्स बनाएर उजुरी दिने योजना बताएका छन्।
उनले भ्रष्टाचार छानबिन वर्तमान मन्त्री रामेश्वर खनाल र कुलमान घिसिङबाट सुरु गर्न अनुरोध गरेका छन्।

२३ असोज, काठमाडौं । एमाले पोलिट ब्यूरो सदस्य महेश बस्नेतले जेनजी आन्दोलनका क्रममा भएको घटनाहरूको एक एक हिसाब गरेर राखेको भन्दै आफूहरुलाई पक्राउ गरेर देखाउन चुनौती दिएका छन् ।

उनले पञ्चायत र राजतन्त्रविरुद्ध लडेका एमालेहरू छाती फर्काएर नहिँड्ने उल्लेख गरे । ‘तिमीहरुको एक-एक हिसाब हुन्छ’ उनले भने । अपराधीलाई कारबाही गर्न उनले गृहमन्त्रीको ध्यानकर्षण गराए ।

उनले अब एमालेले डिजीटल जेनरेसन फोर्स बनाएर देशव्यापी रुपमा उजुरी दिने त्यसको आधारमा कारबाही गर्न अनुरोध गरे ।

उनले भ्रष्टाचारको छानबिन गर्ने भए वर्तमान मन्त्रीहरू रामेश्वर खनाल र कुलमान घिसिङबाट सुरु गर्ने आग्रह गरेका छन् ।

उनले जेनजी आन्दोलनका क्रममा घरजलेका अध्यक्ष केपी शर्मा ओलीलाई गुण्डुवासीले जग्गा उपलब्ध गराउने जानकारी दिए । ‘तपाईं आउनुहोस् हामी स्थायी बसोबासका लागि जग्गा उपलब्ध गराउँछौं ।’