News Summary
Generated by OK AI. Editorially reviewed.- ललितपुर प्रहरीले धापाखेलबाट पेस्तोलसहित शिवकुमार विकलाई पक्राउ गरेको छ।
- उनको साथबाट चार लाख अठहत्तर हजार रुपैयाँ पनि बरामद भएको छ।
- प्रहरीले मादक पदार्थ सेवन गरी होहल्ला गरेको सूचनाका आधारमा उनलाई नियन्त्रणमा लिएको छ।
६ कात्तिक, पाटन । ललितपुर प्रहरीले धापाखेलबाट पेस्तोलसहित एकजनालाई पक्राउ गरेको छ ।
जिल्ला प्रहरी परिसर ललितपुरका सूचना अधिकारी एवम् प्रहरी उपरीक्षक चक्र जोशीले गए राति २ः५० बजे खोटाङ, साकेला गाउँपालिका-१ का शिवकुमार विकलाई पेस्तोलसहित पक्राउ गरिएको जानकारी दिए । उनको साथबाट चार लाख अठहत्तर हजार रुपैयाँ पनि फेला परेको प्रहरीले जानकारी दिएको छ ।
खोटाङ, साकेला स्थानीय ठेगाना भएका विक हाल ललितपुर महानगरपालिका-२३ धापाखेलमा बस्दै आएका थिए ।
‘विकले मादक पदार्थ सेवन गरी होहल्ला गरेको भनी स्थानीय खबर गर्नुभएपछि प्रहरी प्रभाग धापाखेलबाट खटिएको टोलीले शङ्काका आधारमा जाँच गर्दा ५००००४९१ नम्बरको म्याग्जिनसहितको गोली नभएको चाइनिज पेस्तोल थान-१, नगद र मोबाइल फोन पनि बरामद भएको छ,’ जोशीले जानकारी दिए ।
विकलाई हाल नियन्त्रणमा लिइ अनुसन्धान सुरु भएको उनले बताए ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
प्रतिक्रिया 4